|
行山郊遊。塔門(Grass Island - Tap Mun)
|
|
Yanomi
2016-05-12
2461
2
|
分享
收藏
5月8日(星期日)~坐左2 hrs又車又船..終於入到"塔門" 係"新惠和"食完lunch~我地就開始環島遊..漫步"塔門" 落船係碼頭影定張地圖~以備不時之需又可以確認位置 沿路指示牌好清楚~路徑好靚..非常適合任何人士悠閒散步 我地由天后廟方向開始行 沿途唔少空置舊石屋~環境氣候好好..長滿植物 環境好舒服~小徑又乾淨 之前由"天后古廟"上來~所以沿"疊石/漁民新村"方向走 好空曠..好好風~小徑規劃得好好~全海景環境一絕 有條小徑石梯路落"小石灘"~我地落去八下 海水係好清~但估唔到勁多垃圾 行返上去..老闆影下海景 "觀景亭"小休..吹吹海風~仲有幾隻牛牛係亭內外自由活動 d牛都幾為食~見人食ing野..會跟住佢尾 之後好似貓咁~用頭輕輕撞人..叫佢比野食 有個男人比餅d牛食(我唔會囉..牛係食草~唔應該亂咁比野動物食ma) 抖夠涼..再行上去"龍景亭" 上到去有個亭~但景觀唔開揚 見有d人係小路出黎~所以我地又入去睇睇 路有d崎嶇~行到無耐..有個人行出黎 叫我地唔好入去~好崎嶇+無野睇~咁我地都回程lu 沿小徑行去"疊石"~風景真係好舒服..好行又好靚 回望返..有牛牛果個"觀景亭"位置 差不多到"疊石"位置 沿途有休憩設施 我落左山坡咁耐~老闆好似唔知? 完全無搵過我 依舊就係"疊石"..海入面有人潛海膽 整個環島小徑..其實好短~反而好多時間坐住休息..吹吹風 抖夠..又向"漁民新村"方向走 有指示出碼頭位置 屋門前有幾個燕巢~屋企磁場一定好好先有動物聚居呢 好快行到碼頭~有唔少擺賣 食埋豆腐花..坐黃色果隻快艇返西貢 依日都好多團去"塔門" 入去既時候問過大叔..話尾班船係6點 不過行唔到咁耐~除非野餐慢慢hea~依日3點就回程lu 是日塔門遊..完畢!
感謝 Yanomi 提供以上資料 Yanomi的網誌: http://yanomichung.blogspot.hk//
|
~END~
| 商店 | 塔門 |