|
昌發泰國粉麵屋@九龍城
|
|
jo712
2016-05-16
689
0
|
分享
收藏
| 星期六無無聊聊走左去九龍城行下街, 估唔到九龍城公園都幾大下幾舒服, 果度仲有間租單店鋪, 如果一家大小想小朋友玩下都唔洗走入沙田, 這裡都係一個唔錯既選擇. 係九龍城搵食真係令願早食好過太晏先搵食, 免去等位之苦. 這一間如果唔早來食. 雖然有2間店鋪, 但未夠7點店已經滿座.. 講真這店細座位都唔舒服, 幸好我地早到所以都坐到2人枱唔洗同人搭枱. 這裡最出名就係個遊船河, 上次我試過今次就選擇下其他湯麵, 菜牌湯麵真係好多選擇, 最貴都係$38仲要唔洗加一, 份量又大宜家真係好少地方 今次我點左個清邁咖哩米線, 青芒沙律同埋個明爐烏頭酸辣湯 原來清邁咖哩唔似平時食過既咖哩, 唔好見到個湯底好似紅噹噹以為好辣, 其實都只係輕微既級數. 個似湯底係將排骨, 雞肉一起煮好耐而成, 所以食時排骨同雞骨都化晒好易咬碎, 湯味十分濃郁, 有D酸菜酸酸辣辣好惹味 見到好多泰國店都有買青芒果相信宜家合時食啦, 叫左個青芒沙律就岩晒. 青芒爽口加入蝦米仔花生碎再配埋個酸辣醬汁真係夠開胃 最後叫左個明爐烏頭酸辣湯, 這一個都要等20分鐘先到, 個份量就非常多條魚好大條, 可惜烏頭有泥味. 至於酸辣湯底夠濃不過味道係帶酸而不辣, 另付上既酸辣湯就似蕃茄濃湯咁, 幸好蔬菜夠多呀..岩晒我地. 不過2個人要KO一條咁大既烏頭都有D吃力.這一個魚係3個之中我地覺得最麻麻, 至於其他菜都非常好味. 已經第2次來幫襯, 下次再來又會再試下其他湯河同小食. 地址: 九龍城城南道27號地下
感謝 jo712 提供以上資料 jo712 的網誌: http://josearfung.blogspot.hk/
|
~END~
| 商店 | 昌發泰國粉麵屋 |