|
Amazing 整包記 @ ABC Cooking Studio
|
|
敗家媽媽
2016-05-16
1266
0
|
分享
收藏
| 尋日我同小齊去左學人整包 地點係o係 PMQ o既 ABC COOKING STUDIO 係一間日式烹飪學校, 佢開果陣我已經想o黎學咖啦 講講下自己冇學變左帶小齊o黎學~ 第一次帶小齊o黎 PMQ 元創坊 即刻聞到 D 文青味~ STUDIO 在1樓, 我同小齊今次o黎係自己比錢上trial class, 如果 ok 想比佢繼續上~ 我好希望小齊第時都識得自己煮o野食, 所以烹飪一定要學, 雖然唔一定出街學, 我o係屋企都可以簡單教佢, 但整蛋糕呀, 包呢d都係出o黎跟人學好d~ studio 好大咖, 呢度只係其中一 part 環境好舒服又乾淨, 日式係唔同d 今次同埋KV同學仔一齊o黎 望住材料已經好好奇 戴 apron, 洗手先開始整包包 用料基本上預備好晒 聽老師指示就得, 原來老師都係日本人, 小齊嘗試用日文同老師溝通 估唔到可以上呢個另類日文班 老師叫落蛋 落水 搞拌 指令唔難小齊自己搞得掂, 比起之前同佢玩過o既cooking class, 今次希望佢自己整多d 將粉糰搓搓搓...我負責影相唔想整污漕隻手, 小齊自己搞掂 (雖然我見到佢搓唔勻, 有d 粉粒o係中間, 但我由佢~) 老師幫佢執手尾同拎粉糰去發酵, 呢次係第1之發酵, (後尾先知原來要 2次) 等待期間冇閒著, 要預放包包上面o既材料 椰菜~ 切～切～切～ 睇小齊個樣好肉緊 小齊比較慢, , 把刀又唔係好利, 呢part我有幫佢手 切完菜到煙肉 再溝大阪燒o既醬汁, 唔記得講, 今次整呢個係大阪燒風味o既麵包 呢個時候粉糰已經拎返出o黎仲分成4份 再搓成 4個碟仔咁o既形狀 將mix好醬汁o既材料放上去 以為拎去焗點知原來仲要第2次發酵 發酵完再拎出o黎時用較剪o係包邊 cut 8下 再塗上醬料 加 kewpie bb 醬先拎得去焗咖 wow wow,,,,麵包新鮮出爐!! 原來仲要加上鰹魚碎~ 其他同學有加紅薑不過我唔食就免啦~ 真係幾似大阪燒! 小齊今次整包似乎唔錯~ 大家都覺得好玩~ 同日本老師合照 即場試食 我都有試, 簡直係 amazing! 勁 ~ 好 ~ 味 ~ 即刻加強左我要 join course o既決心!! 但估唔到我問小齊仲上唔上佢話唔上, 話整咁多o野好辛苦, 哈哈~ 搞錯呀, 咁懶o既?! 等我遲d再問佢, 夾埋朋友仔一齊上我諗佢就會ok~ 睇下暑假可唔可以上多幾次~ 順帶一提成人班係仲吸引, 和菓子班我都好有興趣上呀! 是日靚衫: Dolce & Gabbana, Moschino
感謝 敗家媽媽 提供以上資料 敗家媽媽的網誌: http://buyjiamama.blogspot.hk/
|
~END~
| 商店 | ABC Cooking Studio (尖沙咀店) |