前晚我們一行六人去了跑馬地馬會滿貫廳食晚飯，因為係珠姐生日

這張相係晚飯後影的，所以之前坐滿晒客人，包場只是講笑hahahaaaa

這晚點菜的唔係我，Lisa姐點了四喜烤麩、炭燒腩仔肉、脆皮豉油雞半隻、醉香一字骨、秘製農家豆腐、銀杏鮮竹豆奶什菜煲、芝士焗蝦球煎米粉缽、壽包(送)、紅酒一樽(送)，埋單$596蚊，因為係馬會職員，所以有七折優惠.

炭燒腩仔肉:滿貫廳的腩仔肉係好出名的，因為層皮非常鬆脆，一點都唔硬，肉汁又保留到，非常高水準

四喜烤麩:個醬汁很溫和，小甜小咸剛剛好，唔錯

秘製農家豆腐:這段日子自已特別想食炸豆腐，特別係臭豆腐hahahaaa，豆腐上的肉醬味道很正

我喜歡加點辣椒醬黎食，看看這豆腐幾滑，外層又夠脆，我食到唔停得口呢

醉香一字骨:這個醬汁對我一點吸引都無，因為係用酒糟，我由細食到大，不過這餐廳的酒糟還可以啦

要講返這排骨，炆得極之入味，而且一咬就骨肉分離，肉質嫩滑

銀杏鮮竹豆奶什菜煲:我覺得這個煲的味道怪怪地，可能唔多接受用豆奶煮啦，還有個蕃茄味道一點都唔夾！

脆皮豉油雞半隻:這豉油雞係用油炸過的，雞肉很滑很滑，而且個汁都幾香

芝士焗蝦球煎米粉缽:見到個賣相係咪覺得一般呢？我初時都有同感，加上我唔喜歡炸過的米粉

不過個炸米粉沒有想象中的硬，最怕係炸到硬身的麵，而且個芝士好香濃，個蝦球又大又彈，真的彈得過份

壽包(送):這個係蓮蓉餡，都幾好味

這個係東海堂買的栗子蛋糕，祝珠姐生日快樂、身體健康！

單據

感謝 Dusty 提供以上內容
Dusty 的個人網誌 : www.dusty1118.mysinablog.com/