|
[米芝蓮餐廳] 同客食飯的好地方@桃花源小廚
|
|
Kan夫人
2016-05-19
486
0
|
分享
收藏
| 是晚同公司的外國客人食飯, 佢地住係CWB酒店, 想食中菜, 經老公建議, 去了上環的桃花源小廚! 因為老公之前都係同老闆去呢間食過, 無論菜式、環境、服務都好高質素! XD 這餐廳主打傳統手工粵菜! 以前仲獲得米芝蓮二星餐廳的殊榮! 今次開公司數, 當然可以豪食一次啦~~ 預先BOOK左檯, 一去到就已經入得座, 再由侍應生介紹下有咩推介、必點菜式等! 點好菜就大家傾下計, 不用等太耐就開始上涼菜! 冰鎮鵝肉卷 $58 呢間桃花源, 最出名的就是其燒味! 而這道菜有別一般燒味, 是涼菜類, 用上鵝肉、蔬菜做餡, 以腐皮包裹, 吃起來不致於鬆散, 凍食非常爽口惹味! 燒味雙併 $138 - 蜜餞叉燒, 脆皮燒腩仔 呵呵, 終於可以一試! 蜜餞叉燒, 肥瘦非常合比例, 吃起來不會太乾又不會太肥, 叉燒汁有香甜的蜜糖味! 脆皮燒腩仔, 最重要是做到皮脆肉嫩!! 大家都好喜歡這燒腩仔, 光速吃清! 玻璃明蝦球 $170/每位 又是重點菜式! 這一道真的必點喔!!!!! 每人一份, 有拳頭這麼大的蝦球!! 伴著一片金華火腿, 一起吃, 超級好味~~ 蝦球由內到外都咁爽口彈牙, 鮮味十足, 金華火腿的咸香更令其層次昇華! 底下的菜更吸收了鮮蝦味, 沒有上湯煮也非常出味了! 這一道真是功夫菜喔! 鮮露筍炒海青斑球 $298 侍應介紹當日露筍非常合時, 肥大又甜美 海青斑球也是大大塊, 肉質非常新鮮又結實! 明爐燒鵝 $250 見到隻燒鵝脾已經流晒口水~ 真.自家廚房明爐燒出來! 非常香! 燒鵝好肥美, 吃下去好多肉汁, 但完全沒有肥肉的膻及膩! 另外, 再追加了一碟小炒、一碟時蔬及炒飯! 都非常高質~ 可是忙於跟客戶傾計, 就沒有再拍照了! 是晚大家都吃得開懷, 沒有參鮑翅肚都一樣可以完美招呼客戶~! (PS: 服務非常非常之好!!!!!!!!!!!!!) * * * * * * 桃花源小廚 上環文咸東街84-90號地下A舖及1樓 T: 2543 5919 * * * * * * Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk 感謝 Kan夫人 提供以上資料 Kan夫人的網誌: http://ja20121111.blogspot.hk/ |
~END~
| 商店 | 桃花源小廚 (上環店) |