|
♥ 天水圍新北江探險記 二 ✿ 明洞 ♥
|
|
Kawai
2016-05-31
729
0
|
分享
收藏
| Kawai 家住屯門十多年，不過我是老是常在屯門元朗玩蕩失路， 所以人家問到有咩好食，我只是識答屯門市中心那幾間店，都真係好悶下～ 其實我返到屋企係落樓下都覺得遠，這些好像是叫宅還是廢物吧！ 因為這幾星期都要窩在天水圍開會及上課，馬死唯有落地行，被迫出去食飯了！ 所以這個系列是會不停出現，直至我做返中環人吧！ 這天放學後已經快７點，家中主廚罷工，我就去左新北江找吃了！ 老實說，新北江真的好混亂，一年多前因為要食紫薯手抓餅而入來，這次已經又亂了， 也好，可以亂打亂撞看看有什麼好吃的！ 最後落戶了明洞，好明顯明洞是賣韓國食物吧～ 店員先送上兩小碟前菜，黑豆甜甜的很好吃，又不會太淋， 泡菜酸酸辣辣味道正常，作為開胃菜也不錯。 我點了泡菜豬肉湯飯 $47， 個泡菜湯酸酸辣辣地味道正常，入面有好多泡菜同埋有豆腐， 而豬肉係用五花腩片，鍋裡都有成七八塊完整的， 不過湯就唔係太熱了，屬於即時入得口的温度，食到尾聲發現蛋白也未能煮熟。 價錢對得住份量，屬於抵食，除左主菜湯飯外，仲會跟白飯一碗，前菜2碟，飲品一罐。 女仔食完會飽，就算不夠的話，加炸雞紫菜包飯都是十多廿元， 多Ｄ人食可以叫到成台好震撼的畫面都係人均幾十蚊。 除左環境比較混亂下，風格有點似葵廣外，賣衫隔離係食甜品，3C隔離係食米線， 呢類商場買少見少，都有其特別之處喔！ 明洞 天水圍天湖路1號嘉湖新北江商場1樓原宿地帶D3號舖 For Collaboration and Invitation, Please send to : littlecatt@gmail.com FB Page: Kawai / Small Talk Corner Blogspot。TheZtyle。Beautylife。FanPiece。 BECB＠Beautyexchange。Openrice。 She.com。U lifestyle。Weshare
感謝 Kawai 提供以上資料 Kawai的網誌: http://iamkawai.blogspot.hk/
|
~END~
| 商店 | 明洞 (天水圍店) |