新志記海鮮飯店 SeeWide

今晚我們一行七個人去了太子新志記海鮮飯店食晚飯，好彩一早訂定位，一去到就有檯了，我們坐低就點了沙薑雞腳X2、椒鹽九肚魚、椒鹽鮮魷、西蘭花象拔蚌帶子、薑蔥爆魚膘、咕嚕肉、蒜蓉蒸勝瓜、炸bb乳鴿、紫薑炒牛肉、生炒糯米飯、啤酒X3，埋單$835蚊.

不過這店都幾混亂，本來想叫湯，初頭又話有，之後又話無，但在單據又唔改返，最後竟收多$140蚊，好彩我們有對單，所以叫職員改返，加上茶介都幾貴，我們張檯就要收$60蚊茶介，另外單價還要X1.05即俾多$40蚊，但又無寫到明喎......，加上食物都等幾耐才上檯，炸乳鴿足足等了一小時，其間已叫了職員3次去跟進，但食物都ok既.

餐前小食炸花生，鹽味十足很好食

啤酒

沙薑雞腳:一碟有五隻，所以叫了兩碟，雞腳比較大隻，但裡面浸得唔夠腍囉

沙薑很得，咸度剛剛好

椒鹽鮮魷:粉漿沾得很薄，炸的時間又準，鮮魷又鮮又嫩，一點都唔韌，加上師父調得個味很好，完全唔需要點0急汁都夠味

椒鹽九肚魚:一個炸得好香口，這店的椒鹽食物都幾出色

薑蔥爆魚膘:薑蔥爆得很香，完全出晒d味，所以魚膘食起黎都唔會腥，但魚膘唔夠彈性囉

咕嚕肉:同樣個汁酸甜都很濃味，咕嚕肉淡淡肉，非常唔錯

蒜蓉蒸勝瓜:勝瓜夠腍、炸蒜很香，最重要係勝瓜夠甜之餘，蒜香能溶入到勝瓜裡面

西蘭花象拔蚌帶子:象拔蚌切得又細又碎，完全食唔到咩味，帶子就普普通通

紫薑炒牛肉:估唔到用紫薑黎炒係咁好味的，但我都係好憎好薑囉

生炒糯米飯:飯似蒸過再炒的，估唔到這店的臘肉都幾香，整體唔錯

炸bb乳鴿:等了成個鐘才上到檯，但點解一隻色澤咁靚，而另一隻又咁黑呢？

不過炸得幾唔錯，起碼肉質還好嫩，咬落去肉汁豐富，醃的醬都唔錯，都算滿意既

唔通這隻係返炸的？

單據

感謝 Dusty 提供以上內容
Dusty 的個人網誌 : www.dusty1118.mysinablog.com/

~END~

商店

新志記海鮮飯店


抱歉，發生點錯誤。重新載入


(0)	(0)	(0)