抱歉,發生點錯誤。
重新載入
梁記餃子。學車基礎訓練
熊熊的生活
2016-06-05
4092
0
分享
收藏
4.6.16 (六)
今天放假, 要到元朗上課, 上課前吃個午餐, 心目中想吃菜, 就揀了梁記。去到大約一點半, 正是午巿繁忙時間, 我一個人都容易搵到位。
諗好食咩, 想叫人落單, 但店員都很忙, 見有店員幫附近的食客落單, 當中有細節食客未能一次過說出, 店員語氣不耐煩的問, 我已心知不妙, 心裡也有點緊張, 好似要考試般。
到我落單, 我要雜錦餃子, 店員問: 「跟什麼?」 我: 「沒有, 就要餃子。」 店員:  「即是淨餃呀嘛!」我:「係...要多個菜同豆漿添。」店員:「生菜?」我:「係呀 (不敢再問有冇其他菜)。」店員:「係咪要蠔油?」我:「不要蠔油。(同時思考中)」店員: 「係咪全走?」我: 「係...呀...唔好意思, 請問有冇腩汁?」店員: 「有。」我:「咁跟腩汁啦。」店員腩腩:「自己講呀嘛, 乜都要問.......」我: 「.............」
全程我都好快好急咁對答, 只是我少幫襯, 一來流程不太熟, 二來太緊張, 故未能一次答對所有, 但店員的態度實在差, 來食野啫, 要不要像考試般? 這樣的氣氛令我想起澳牛, 澳牛都算紅到好多遊客食, 抵佢串, 連元朗的小店也這樣??
雜錦餃子 $30, 有八隻餃子, 當中較喜歡南瓜餃子, 很香甜, 特別的配搭, 很清新, 還有青瓜餃子, 也是清新之選, 味道與別不同, 沙葛餃子又好爽口, 最喜歡這幾款, 而在進餐期間, 聽到不少人點南瓜餃, 似乎南瓜餃是這裡的人氣no.1。豆漿豆味幾香濃, 飲到最底仲杰杰地, 有豆蓉的沉澱, 生菜份量好多, 夠晒健康。食物質素可以, 但比「OK」因為服務扣了分, 希望下次幫襯不會再這樣吧。





















今日去香港駕駛學院, 學基礎訓練, 是在室內的模擬駕駛座位裡學, 初步認識駕駛座的儀器和使用方法, 如果開車和停車, 轉彎等。由2:30學到5:00左右, 最初看影片, 然後跟著影片做, 做得不到位會亮燈提示, 然後最後有段路test。
初步接觸, 覺得學車頗好玩, 但要兼顧的好多, 要望路又要望速度儀, 有時要打左右燈, 我不太有位望速度儀, 導師要求30-50km/hr 速度, 一不留神會太慢或太快, 有次去到120km/hr嚇死。到測試時, 好緊張, 但做多幾多盡量做, 中途都見有亮過警告燈, 到公佈成績, 勁驚自己最低分, 全班不到十人, 原來大家分數好接近, 100分滿分, 大家拿77或80分, 而我有80分, 導師再補充, 當中我應該最高分, 因為我停車踏腳掣太大力, 被扣了分, 其他部分相對比較好, 這實在令我太開心了! 希望之後的也順利吧~




============================================

感謝 熊熊的生活 提供以上資料

熊熊的生活的網誌: http://sheep05.blogspot.hk/


============================================

~END~
商店 梁記餃子麵坊