今日放工後出了尖沙咀食晚飯，皆因老婆突然打黎話想食壽司喎，咁我話你決定在邊間後，再話我知啦，最後決定去 Monster Sushi，這店我們係第一次幫襯，裡面的環境都唔錯，坐低後就點了三文魚壽司、左口魚邊壽司、玉子燒、白吞拿魚壽司、帆立貝、藍鯨吞拿魚壽司、油甘魚腩 壽司、軍艦三味壽司(拖羅海膽軍艦 、酸辣三文魚八爪魚、蟹肉蟹膏軍艦)、香芒雜錦魚生軍艦、蔥吞拿魚腩軍艦、蟹子軍艦、蟹子蟹棒壽司X2、蝦鹽墨魚壽司、鮮山葵墨魚壽司、黑松露和牛拖羅 卷、鰻魚壽司、炸雞軟骨，埋單$428蚊.

三文魚壽司:雖然我無試，但睇色澤都幾靚，老婆話唔錯喎

左口魚邊壽司:我終於體驗到咩叫做(只溶在口中)的感覺，我非常喜歡這店的左口魚邊，油份很香，最重要係唔洗點去咬，但已經不知不覺間溶在口裡了，讚啊

玉子燒:其實我好少食玉子燒的，唔係我唔鐘意，係賣相吸引唔到我去食，但睇到個餐牌寫住即點即做的，又幾吸引喎，重要寫時要等15分鐘的，所以我決定叫一客，點知唔洗3分鐘就送到我面前，我心諗都知無咁好死的，咬一啖都知唔算做得很好，但亦不至於差既，蛋唔夠鬆軟，總之食落覺得欠些什麼......

白吞拿魚壽司:魚味都幾重

帆立貝:呢個帆立貝真係不得了啊，係我在壽司店食過最好的，一試就即刻幻想到置身在漁船上，剛剛撈上黎的帆立貝，即開即食的味道，夠凍、夠鮮、帆立貝味道濃、有海水味，超good啊

藍鯨吞拿魚壽司:呢個吞拿魚點配得上係藍鯨品種啊？味道及肉質簡直差到無朋友，這店真係要檢討一下喇，係咪入錯貨被人呃啊？

油甘魚腩壽司:完全唔似係油甘魚腩，油份少、冇魚油香、雖然切得幾厚，但真的很一般囉

軍艦三味壽司

拖羅海膽軍艦:食得到海膽的味道，但不是鮮甜的

酸辣三文魚八爪魚:原來酸辣味即係韓國泡菜的味道，感覺幾得意

蟹肉蟹膏軍艦:這個蟹膏真係好掂，一放入口趙兩啖已經感覺到它的威力，就像炸彈放在口裡唔爆唔得，不過爆既係d超濃超濃既蟹膏味，超滿足啊

蟹子軍艦:軍艦一上到檯，我的焦點亦即刻射在這碟壽司上，唔係它好靚好吸引，而係d蟹子少得可憐，頂！唔好咁呃錢啊！但都算啦，咪谷住道氣食囉，點知......原來d蟹子係好爆架，果種爆就好像幾十粒子彈穿過身體一樣，強啊

香芒雜錦魚生軍艦:味道很複雜，複雜到唔知點形容，但芒果先生消失得無影無蹤囉

蔥吞拿魚腩軍艦:這個魚腩就香得多了，唔錯

黑松露和牛拖羅卷:其實我唔覺有乜特別，只知食到最後先有少許牛味囉，但老婆話好正

鮮山葵墨魚壽司

蝦鹽墨魚壽司:兩款墨魚都係很厚切，墨魚夠晒凍，肉質較腍，幾好幾好

蟹子蟹棒壽司:呢款壽司我在不同壽司店實會點的，因為啖啖肉的感覺很正

鰻魚壽司:鰻魚很新鮮，完全無腥味，真幾意外，可能個醬汁做得好啦

炸雞軟骨:唔掂、很唔掂啊，粉厚、軟骨都唔脆既，唉......

這個醬較酸，所以唔點好過點......

單據

感謝 Dusty 提供以上內容
Dusty 的個人網誌 : www.dusty1118.mysinablog.com/