|
食記。令人享受的Fusion Dinner @ Chef Stage
|
|
Kan夫人
2016-06-10
413
0
|
分享
收藏
| 又同老公出去食餐好!!!!!
因為有人出左大大份B仔丫~~~~~~
((喂, 你唔好睇我成日出街食飯,
其實好多都係之前架喇, 係呢排先拎出黎寫返食評呃下LIKE咁啦......
我一星期有5日都係食屋企飯同湊囡架!! 好乖架!!!)) 有人好豪氣咁話食咩都得! 好啦, 今次選了OPENRICE十大的其中一間! >> CHEF STAGE de Eddy Chu 未入到去已經被半OPEN KITCHEN的螢光管吸引住!!! 佢仲會轉色添架! 原來主廚Eddy Chu, 晉身名廚30年! 在很多高級餐廳、酒店任大廚, 也曾獲獎無數~! 現在開了自己的西餐廳, 將高級美食帶給大家!! 位於亞士厘道商廈的19樓! 真的完全不知道這裡會有餐廳~~ 仲要非常好view!!!!! 果晚仲要full house, 就知佢真係好多人幫襯! 記得預先booking呀~~ 如果大家喜歡吃蠔, 可以一選這個PROMOTION! 因為點白酒一支就可以有六隻生蠔, 好岩4人share~~~ 不過今次只得我同老公, 兩個人飲不了一支呢! 所以我們選了其他菜式! 好了, 首先來個前菜 - 煙三文魚沙律! 好大份喔!!!!! 煙三文魚好香煙燻味, 仲要大大片, 一點雪味都沒有架! 配上新鮮的沙律菜、橄欖油、果醋, 好match同fresh!! 作為開胃菜, 一流! 之後就來了我們點的兩杯特飲~ 一杯是黑牛 - 老公說他要找回兒時回憶XDXD 另一杯是水果紅茶 - 甜甜地, 岩女生! 黑牛, 即是朱古力雪糕配可樂 雪糕好快就溶了, 要食就快! BB鴿 - 比起平時的乳鴿更多肉更香口! 用烤的方式比起油炸, 少了油膩味! 也不會令到肉質變硬~~ 感覺像細隻版的烤雞!! 好好吃喔!!! 香蒜生燒大蝦~ 隻蝦有我手掌咁大呀!!!!! 啖啖肉, 大滿足!!! 牛油同蒜味大足, 燒得很香脆!! 鮮味大爆發!!! 呢個真係100分~~ 我超級喜歡呀!! 餐廳的獲獎推介!! 松露煮日本年糕! 看上去平平無奇, 但只要吃一口, 你就知道點解佢會得獎~~ 超香超濃郁的GAS味XDXD 沒錯, 我覺得那是GAS味道, 但又好喜歡喔~~~~ 年糕煮得剛剛好, 不會太硬也不會太淋, 有點煙UN咬口! 再加埋松露白汁, FUSION得好! 燒西班牙黑毛豬肋條肉~ 因為本身已經係上等高級靚肉, 都唔使點加調味去整, 只有基本的鹽和胡椒, 上碟仲熱騰騰架!! 咬下去肉味濃郁~~!!! 帶點爽脆添~~~ 吃完一條豬肋條肉, 再吃一口菠蘿~ 令人食欲大增!!!!! (個人覺得唔點汁仲好食!) 最後, 好飽好飽都仲要食埋甜品~~ 原個菠蘿雪葩~~ 將新鮮水果冷藏至結冰後磨成沙冰, 真係啖啖都係菠蘿果香~ 仲可以解去剛剛的飽腹感!! 好滿足呀!!! PS: 服務態度勁好, 加水速度好快, 親切介紹今日有咩好食! 吃完一款仲會換碟添! 碟也是熱上, 凍盤就是凍碟上, 呢個小細節令我非常欣賞呢間餐廳!! 西餐就應該是如此享受喔~~~~ * * * * * * CHEF STAGE de Eddy Chu 尖沙咀亞士厘道17-19號19樓 T: 2303 0999 * * * * * * Kan夫人。生活雜記 歡迎聯絡合作: Email: ja20121111@gmail.com http://www.ja20121111.blogspot.hk 感謝 Kan夫人 提供以上資料 Kan夫人的網誌: http://ja20121111.blogspot.hk/ |
~END~
| 商店 | 廚社 Chef Stage |