今晚一行四人去了荃灣荃昌中心的(越想食)店食晚飯，地方又細又窄，但就好多人排隊等入坐，我們點了泰式鳳爪、扎肉蒸包、炸蝦餅、招牌法式三文治、越式魚露雞半隻、扎肉米紙卷、火車頭、生牛肉湯河，埋單$246，價錢都算幾合理。

泰式鳳爪:味道就調校得很好，同埋鳳爪好夠凍，鳳爪算係爽口，但硬係腦袋覺得再爽口多少少就更好。

扎肉蒸包:我對扎肉冇多大的興趣，所以唔識點講，但個蒸包又熱辣辣，同埋都幾重胡椒味。

炸蝦餅:冇口感冇蝦味，唔知食緊乜？

招牌法式三文治:配料多，我們要求唔要加上辣椒的，個包好脆，味道又咸又酸又好味，其實可以唔要扎肉轉其它材料的。

越式魚露雞:其實係白切雞點魚露，雞的賣相唔多討好的，因為係冰鮮，但雞身出奇地滑同有少許雞味，$48蚊半隻可接受。

扎肉米紙卷:我無食到，但老婆話好味，同埋鐘意它沒有花生碎的。

火車頭:配料就好足，牛腩及牛筋都好腍，但湯底偏甜同唔夠濃。

生牛肉湯河:牛肉湯河黎到都變了八成熟了，初時還很怕牛肉會好韌，但剛好相反，還是講句湯底唔夠濃已經係敗北之作。

感謝 Dusty 提供以上內容
Dusty 的個人網誌 : www.dusty1118.mysinablog.com/