今晚一行七人去了小肥牛(太子分店)食晚飯，因為幾日前已訂了位，所以一黎到就有位喇，我地點了個雞燉翅湯底，由於 係九點半先入坐，所以有半價，我地還點了菜肉餃、白菜肉餃、鯊魚唇、手打蝦滑X2、手打蟹籽蝦滑X2、花雕牛、安格斯牛肉、牛肉粒、雞件、芝士牛丸、蟹籽 蝦丸、炸腐皮卷、枝竹、唐生菜X2，埋單$1046蚊。

首先講下雞燉翅個湯底都算幾濃湯味，菜肉餃、白菜肉餃雪到硬晒，但味道還可以，鯊 魚唇普普通通，手打蝦滑及手打蟹籽蝦滑好新鮮，兩樣都好彈牙，所以每樣都再叫了多碟，花雕牛不知所謂勁韌啊，安格斯牛肉每兩個人就可$10叫一碟，好 (淋)有牛味，牛肉粒好香牛味，雞件夠新鮮，芝士牛丸好普通加上無乜芝士味，炸腐皮卷雖然幾好味，但整到成煲湯都好油，蟹籽蝦丸很彈牙，雖然小肥牛的食物 選擇唔多，但有些野真的唔錯，加上價錢可以接受，獨立房加獨立洗手間，如果有埋電視就更完美喇。

 
感謝 Dusty 提供以上內容
Dusty 的個人網誌 : www.dusty1118.mysinablog.com/