今晚因為家裡無人煮飯，所以同老婆去左元朗食晚飯，想黎想去就決定了幫襯陸記正宗桂林米粉，我們點了絕代雙豬飯+合掌瓜排骨老火湯、紅燒排骨粉、麻辣豬肚粉、滷水豆腐、肉醬扒生菜、埋單$107蚊。

首 先講講碟絕代雙豬飯，雙豬係指豬頸肉及燒肉，燒肉係五花腩黎既，皮脆肉汁多唔會好乾身，豬頸肉同樣燒得很好味，果然係招牌菜，個老火湯無味精夠火喉又足 料，紅燒排骨粉既米粉係粗身好多的，但我覺得同米線很相似，排骨滷得夠入味，而且肉質很腍，麻辣豬肚粉上台時見到碗粉無辣椒又唔多辣油喎，以為唔麻辣啦， 點知食食下就開始黎料，愈食愈麻而唔算辣果隻，d湯又好飲加上豬肚都滷得夠入味又有咬口，滷水豆腐唔掂，因為唔夠滑又無乜豆腐味，肉醬扒生菜普普通通啦， 同埋杯豆漿都好飲。

 
感謝 Dusty 提供以上內容
Dusty 的個人網誌 : www.dusty1118.mysinablog.com/