今晚一行六人終於都可以去陵發潮州白粥食晚飯，之前次次去春夏秋冬時都經過，裡面成日都好多客人，我地晚上六點幾就 去到，坐低睇下餐牌點知係無寫明價錢的，好彩之前上網都睇到d價錢唔算貴，我們點了炆鳳爪、酸菜、豆腐枝竹、大眼雞、豬紅蘿蔔X2、大腸拼墨魚、豬耳、滷 水鵝件(例牌)、蠔仔粥(中窩)、蠔仔餅、腐乳通菜、埋單$580蚊，好抵食啊。

首先講講個炆鳳爪，炆得好入味，入口唔洗點LUN就骨肉分離，所以食得好舒服，酸菜係老婆至愛，入口爽爽地幾好，豆腐枝竹既同樣炆得好入味，但唔知點解無左豆腐，但d燒肉賣相麻麻，所以剩低好多，滷水鵝件(例牌)係成隻脾，少少肥又唔會太重滷水味，加上d肉有少少咬口係我最喜歡的，大眼雞大大條好新鮮，肉滑點埋個豆醬簡直一絕，豬紅蘿蔔係我食過最好味的，d蘿蔔無渣但就味道一般，反而個豬紅有驚喜，因為大大舊肉質較實，夾起黎都唔會爛同好入味，所以叫了兩碗黎食，鹵水拼盤的豬大腸好香好好味，唔會有一陣臭(壓)味好乾淨而且好淋，腐乳通菜普普通通，d腐乳唔夠香，蠔仔餅及蠔仔粥係令我最失望的，蠔仔餅炸得好鬆化蠔仔係亦很多，但可惜無蠔味同埋內裡濕濕地，蠔仔粥料就夠晒多，可惜都係無蠔味，可能d蠔浸水浸得太耐，所以蠔仔餅炸時出水，令到裡面好濕啦，不過總括大部份都係好味及很抵食。

 
感謝 Dusty 提供以上內容
Dusty 的個人網誌 : www.dusty1118.mysinablog.com/