今晚有兩個朋友在外地黎香港旅遊，所以我們一行七人諗住帶他們試試大排檔的風味，所以揀了以前經常去既沙田禾輋陳根 記大排檔食，我們共點左十一樣菜，燒鵝半隻、羊腩煲、沙拉骨、桂花餅、豆豉鯪魚炒油麥菜、蒜蓉炒西羊菜、沙嗲肥牛金菇煲、椒鹽鮮尤、椒鹽鮮尤拼九肚魚、炒 聖子、蒜蓉粉絲蒸帶子拼元貝.

首先講講隻燒鵝，熱辣辣燒得好靚加上隻鵝唔太肥好香，羊腩煲超級一般，d肉好(柴皮)一睇就知唔新鮮，豆豉 鯪魚炒油麥菜炒得好多水又唔夠香豆豉鯪魚味喎，桂花餅好鬼鹹唔掂，沙嗲肥牛金菇好細煲，加上底果些粉絲竟然未撈得好還有未上色的，炒聖子、蒜蓉粉絲蒸帶子 拼元貝好新鮮同大隻，好正，椒鹽鮮尤拼九肚魚不過不失啦，但有些朋友講未點野都已經鹹，唉...........

唔知是否大廚過左檔呢？同以前的水準差天共地啊，還有連韭菜豬紅大腸都無0左，激死，風沙雞、南乳掉燒雞又無，埋單$687蚊真係好平，但對某些食物唔好太大期望囉。

 
感謝 Dusty 提供以上內容
Dusty 的個人網誌 : www.dusty1118.mysinablog.com/