今日一早訓醒就約了外母一家人去大榮華酒樓飲茶，以前的大榮華係要自已搵位的，但現在就派飛仔，以前係有點心車的， 現在就改用點心紙，睇黎傳統的茶樓都要跟著時代改變了，點心紙裡面的食物都有很多已經不見了，我們點了馬拉糕很好味，胡椒豬肚湯的豬肚處理得很好個湯亦好 飲值得推薦，韮菜炸春卷炸得好脆加上韮菜的香味簡直一絕，切肉燒賣王不過不失啦，潮州粉果、京都菜肉包、豉汁蒸排骨、鮮竹牛肉球都是一般，元朗小籠包呢個 最不知所謂，小籠包裡面無湯無味道都唔知食緊乜？豉汁蒸鳳爪很入味鳳爪亦好食，鳳爪排骨飯都過得去啦，埋單278蚊，可惜食唔到很多懷舊點心了.

 感謝 Dusty 提供以上內容
Dusty 的個人網誌 : www.dusty1118.mysinablog.com/