抱歉,發生點錯誤。
重新載入
[銅鑼灣] PLAYT 咖啡廳 ‧ 性價比高的自助餐,食物款式多,即開生蠔、西班牙乳 豬、自家製特別味道的Gelato好得!
糖小妹
2016-06-30
593
0
分享
收藏




PLAYT 咖啡廳 地址: 銅鑼灣告士打道310號柏寧酒店1樓 電話: 28393311 營業時間: 星期一至日: 6:00-23:00 Facebook
多年歷史的銅鑼灣柏寧酒店內的Cafe One搖身一變變成了近來新開的PLAYT咖啡廳,以自助餐為主,裡頭的裝潢也型格十足,以都市和工業風做主題,找來街頭藝術畫師Victorian塗出其畫作,色彩繽紛帶有摩登風格,感覺很有活力呢!




******************************** 晚市自助餐 (6:30pm - 9:30pm) 星期一至四 成人每位 $538 | 小童每位 $338 (3-11歲) 星期五至日、公眾假期及前夕 成人每位 $558 | 小童每位 $348 (3-11歲) 另收加一服務費
現凡訂座六至十二位午市或晚市自助餐,均可享免費意大利有氣葡萄酒一支,
及即烤西班牙乳豬一隻!
網上用優惠碼:PLAYT訂座,更可額外享用八折優惠。
優惠期由6月20至8月31日,預訂必須提前3天。
(優惠不能與其他優惠同時使用) *******************************
(喜歡的,請按讚支持,是給我很大的鼓勵啊 

 
Connie's Food and Life Corner

   

























餐廳環境

小妹覺得這間自助餐真係五藏俱全,平時去開有生蠔既又無小龍蝦,有小龍蝦/鵝肝又無即開生蠔,這裡完全可以滿足晒小妹,方便了有選擇困難症的人,價錢仲要頗抵食呢!來簡約講講分了那些區域吧,每個區的空間感頗足,不會有太迫狹的感覺。










即開生蠔區,今天供應的係美國和紐西蘭生蠔兩款,每人每次限取兩隻,所以這區常常都人龍滿滿。










凍海鮮區,凍蝦、田螺、小龍蝦、蟹腳、面包蟹和泰式生蝦等。


冷盤和沙律區 大路的煙三文魚和煙吞拿魚都有,仲有泰式柚子蝦沙律,及自助沙律吧。










風乾火腿和芝士區 除左莎樂美腸、火腿和煙燻牛肉外,仲有巴馬火腿、谷巴火腿和牛肝菌鵝肝菌凍批。










刺身有三文魚、希靈魚、八爪魚、吞拿魚、帶子、油甘魚和鯛魚。










壽司區都滿多款的,而且賣相都好吸引,比平時的酒店壽司區來得精緻!






燒鵝區選擇多,有燒肉和豉油雞,仲有比較少見的乳鴿呢!






點心區全部都熱辣辣的,試了蝦餃和燒賣都不過不失!


粉麵區


小妹拎了限量出爐的冬菇花膠燉雞腳湯,湯入口鮮甜不油,而且很足料呢,好飲!
刺身以油甘魚的味道最好,魚質入口夠爽帶有魚香;帶子也比平時食到的有口感,記得可以叫師傅直接原粒上,食落會更有口感。






這裡的印度烤餅都相當不錯,據說由多年經驗的印度師傅主理,用上印度傳統的烤爐製作,薄餅入口煙煙韌韌,面頭帶點微脆,配了青咖哩魚真係好好食!


不得不試這裡的西班牙乳豬,乳豬皮烤得很香脆,連帶脂肪層和嫩滑肉質,那股油脂香愈嚼愈香,而且一定要配埋蘋果醬,酸酸甜甜得來無咁膩!










這片呈粉紅色的燒牛肋骨肉質比平時自助餐食開的鬆化,一整片賣相已經唔錯,咀嚼中有明顯肉香。仲有提供多款鹽讓客人調味,好像檸檬香草海鹽,蒜香海鹽、煙燻海鹽等,配搭不同調味食落會有不同感覺,夠晒特別!


即開生蠔 (同他每人拎兩隻),小妹唔太食蠔,所以交晒比佢,據說味道都鮮甜肥美無沙,質素高!


拎完麵包蟹仲可以額外問佢拎埋蟹膏,味道甘香綿密,真係好邪惡!


小龍蝦啖啖肉,係肉質有點鞋。


仲有任食煎鵝肝

甜品區每件甜品都係迷你版的,也有用蛋殼裝的,岩晒每樣都想試的小妹,味道都是中規中矩。






較特別有近來大熱的閃電泡芙,還要是可愛的迷你版的,綠茶、紫薯和檸檬味;泡芙食的時候外皮還是脆的,檸檬味酸酸甜甜的很不錯!


熱辣辣的麵包布甸,加上花奶後香甜美味,好好食!


好鍾意呢度自家製既Gelato,味道有紅火龍果、櫻桃鵝肝、紅桑子芝士餅,茅台、楊枝金露同 m & m,這些味道係坊間少見,除左m & m每樣都來一球!


紅火龍果雪糕真係第一次見,見到入面有一粒粒黑色的火龍果籽,味道其實不會很濃,以清幽的味道為主!楊枝金露上面會加埋西米比你,製作認真,真係好似食緊楊枝金露,又不過甜,讚!
茅台入口有濃郁酒香,味道香醇不苦,不好酒的小妹都覺好食;紅桑子芝士餅帶酸酸甜甜的莓味,還真帶有芝士餅的味道,好食!鵝肝櫻桃的鵝肝味不重,慢慢細嚐會覺得食到微微的鵝肝甘香。


============================================

感謝 糖小妹 提供以上資料

糖小妹的網誌: http://concon2016.blogspot.hk/


============================================

~END~
商店