|
熊拉麵@上環
|
|
飲食二打六
2016-07-10
1021
2
|
分享
收藏
上星期食完無敵家後 行過蘇杭街 見到有間拉麵店 門口都幾多人 於是今個星期便到試試 這裡與其他拉麵店無異 主打都係黑/白/赤拉麵 當然粗幼,硬度都是可以選擇的 今次選了兩款不同硬度之麵 但見師傅是同時間整理好送過來的 其實真係有分硬度?? (叉燒,糖心蛋) 配料:蔥,木耳 粗幼度:1.5mm 硬度:硬 店員免費將叉燒轉為五花腩 比起豚肉叉燒好食 因五花腩有自家製過 味道偏甜 入口有香味 有點像梅菜扣肉味道 湯底無想像中咁鹹味 反而飲到好濃厚豬骨味 入口仲好有骨膠原既感覺 糖心蛋亦做到溜心 好有日本蛋既甜香 (黑蒜,叉燒) 配料:蔥,木耳 粗幼度:1.5mm 硬度:普通 相比起熊拉麵 黑蒜湯失色左少少 無左濃香既豬骨味 但又没濃厚的黑蒜味 兩者皆不像 味道總算過得去 食落總比之前無敵家好 食完碗麵 跟朋友坐多了一會傾下計 真係只須一會 湯面即變成一層皮 朋友還講笑叫我推第一層到邊位 坐多一會再做出一層新的出來 像做雙皮奶一樣 看情形 應該黑蒜味蓋過了豬骨湯味 這湯底還是招牌熊拉麵的那個湯底 真的有點膠 menu上還有叉燒飯及餃子 等我下次再來試埋去先 地址: 上環蘇杭街84號地下 |
~END~
| 商店 | 熊拉麵 (上環店) |