|
The Lobby @ 半島酒店
|
|
jo712
2016-07-15
341
0
|
分享
收藏
| 真心想同大家推介這間餐廳, 平時同朋友出街食飯亂入一間好少少餐廳食飯叫埋野飲一般都要二, 三百元花費啦..估唔到貴為香港名牌酒店入面既餐廳~ The Lobby 都提供平民化價錢酒店級水準. 雖然餐廳地方就係酒店既Lobby二旁, 但係你完全唔會覺得受到騷擾, 可能本來酒店唔算人來人往, 當晚簡唔中會有樂隊奏樂加上燈光陰暗用餐環境都幾舒服. 3 courses set Dinner每人大約三百多元如果想飲少少酒都係加多$60左右, 這一個價錢真係物超所值...每個course都有3款食物選擇, 當晚我同友人都各點一款大家一齊試下. 先來就係送上麵包藍啦, 不過我地都只覺得一般不算特別. 前菜有2款沙律及1款熱湯選擇, 我地同樣點左沙律味道都只屬一般 再來主菜,我地點左燒牛柳同芝士海鮮焗飯, 講真我地對主菜都無咩特別期望, 不過反而出來味道都令我地非常滿意. 芝士焗飯好香濃特別海鮮處理得剛好大蝦彈牙, 三文魚好滑最出色係個魷魚圈. 再來友人既燒牛柳剛好唔會過火而且好有牛肉味, 連旁邊配菜都非常可口 最後既甜品就令我覺得成餐晚飯真係好抵, 單單為左個甜品再來我都非常願意. 友人點櫻花忌廉配白桃,荔枝覆盆子雪葩, 而我點椰子忌廉千層酥配芒果雪葩. 只係賣相已經令我心動, 味道就更加可口. 我最喜歡係自己既千層酥好鬆脆加上唔太甜又香濃椰子忌廉就算食完亦不覺膩, 芒果雪葩好香好濃的芒果好似一杯鮮榨芒果汁咁濃. 至於友人既櫻花忌廉配白桃,荔枝覆盆子雪葩聽個名就已經吸引, 不過此終成個底部都係櫻花忌廉食到一半都開始覺得飽膩, 而且亦櫻花味唔重, 至於雪葩由於3種水果加埋沒有一種味道突出, 整體上甜品亦令我地非常滿意. 最後送上咖啡/茶作結尾. 這一餐無論價錢, 環境及服務都令人用餐非常開心同滿意. 地址:尖沙咀梳士巴利道22號香港半島酒店大堂
感謝 jo712 提供以上資料 jo712 的網誌: http://josearfung.blogspot.hk/
|
~END~
| 商店 | 半島酒店 The Lobby |