|
[灣仔] 家賀屋刺身寿司專門店 ‧ 超滿足特選藍鰭吞拿魚盛 | 累松露特大帆立貝都有驚喜!
|
|
糖小妹
2016-07-11
895
0
|
分享
收藏
家賀屋刺身寿司專門店 地址: 灣仔灣仔道83號1樓 (港鐵灣仔站 A3 出口, 步行約4分鐘) 電話: 2836 6466 營業時間: 星期一至六: 12:00-15:30; 18:00-23:15 星期日及公眾假期: 18:00-23:15 早排去左灣仔一間覺得不錯的刺身壽司店，當然小妹對於壽司刺身方面認識不深，不過係呢間食既鮪魚壽司真係十分滿足，最重要係價錢唔算貴。 (喜歡的，請按讚支持，是給我很大的鼓勵啊 ) Connie's Food and Life Corner 上到去餐廳係屬打橫的格局，坐位不多，牆壁上貼滿數款日系風格的排畫； 側面仲有個超大飲品櫃，放滿各式飲料和清酒，仲打晒燈，小妹就覺得好靚喇！ 打開餐牌圖文並茂，好多都想食，最吸引一定係首頁的鮪盛（藍鰭吞拿魚系列）； 除了壽司刺身手卷外，仲有賣相同樣吸引擺得又豐盛的刺身丼，仲有前菜、小食和炸物等等，真係樣樣都想試！ 餐廳有兩種豉油供應，分一般壽司豉油，另一隻係櫻花豉油，食落會無咁鹹。 特選鮪盛 $180 藍鰭吞拿魚，大、中、小吞拿魚吞兩件，顏色好吸引！ 最深色的小吞件魚腩，質感滑溜；最正係粉嫩色的大吞拿魚腩，入口爽滑，脂肪層豐富，食落魚脂香濃郁豐潤，肥美甘香，味道久久不散，叫人不能抗拒，大滿足！ 吞拿魚腩軍艦 $42 食落魚脂甘香，加埋少量香蔥和芝麻，味道提升更惹味。 家賀壽司 $35/件 以店家名稱命名的壽司相信係招牌菜吧！家賀壽司由三款食材所搭配，海膽、赤海蝦和吞拿魚腩蓉。 一啖入口，感覺好幸福啊！入口先黎陣陣魚腩蓉的脂香，赤海蝦的鮮味，最後係海膽的甘甜，味道複雜又幾好食！不過他就話入口比海膽味遮蓋晒其他味道，反而我就相反，每隻味道都試得出。 原條海鰻 $28/件 原條長長的海鰻賣相吸引，頓時令我諗起元朗田中的長壽司！海鰻腍身食唔山細骨，入口即化，不過魚的味道不算明顯。 油甘魚 $10/件 油甘魚都切得頗厚身，口感清爽鮮味，帶有陣陣魚脂香，以十蚊件來說食得過。 黑松露特大帆立貝 $50/2件 價錢唔平，不過真係好大隻，帆立貝有輕輕有灸燒過；咬落啖啖肉，味道夠鮮，最緊要咬落爽口唔黏。除了帆立貝的鮮，仲有味道唔算太勁的黑松露香，唔會搶晒各自的味道，配合得岩岩好。 軟殼蟹手卷 $25 一向喜歡食元氣既軟殼蟹手卷，試過好多間都覺得一般。這裡的手卷雖然比較迷你，不過軟殼蟹的份量頗足，炸得乾身，咬落香脆唔油膩，都唔錯！
感謝 糖小妹 提供以上資料 糖小妹的網誌: http://concon2016.blogspot.hk/
|
~END~
| 商店 | 家賀屋刺身寿司專門店 |