多謝Mikiki的邀請可以率先跟妖怪手錶四大人氣角色一齊抱抱跳宇宙舞！

我哋去到現場仲未見到地縛喵佢哋嘅踪影先周圍行吓

隔咗冇幾耐佢哋就一隻一隻咁排住隊出嚟迎接小朋友啦

哥哥當然先捉住每一隻同佢影番張相先啦，最先係呢個新角色usa蹦

八卦嘅哥哥行到好近望入去，誓要見到扮緊usa蹦裡面嘅人！(真係一D童真都冇)

跟住合照嘅係哥瑪次郎，佢就最百厭成日攪攪震，周不時唔望鏡頭，真係俾佢激死^.^

哥瑪先生就比較含蓄冇咁古靈精怪

最後不可不提梗係地縛喵啦！今次哥哥都係專程嚟搵佢㗎咋！

嚟張大合照先！一次過可以同四隻喵影相真係好開心超興奮呀！

話時話點解冇妹妹份，因為...佢見到四隻喵就一路避開好驚～

今次好開心又邀請到呀劍萬帥的朋友仔一齊出席，等大家都可以同我一齊感受抱抱地縛喵的興奮心情

當然呀劍都要入鏡同兩個至愛影張相啦！

四隻喵走咗去休息之後，我哋就去咗地縛喵架3D立體流動雪糕車，車前仲有妖怪執事威斯帕個雪糕造型LOOK㖭！

奇怪喇，點解冇人扮威斯帕㗎呢？

哥哥妹妹喺度扮演買雪糕，如果真係有雪糕可以食就好喇...

雪糕車內的立體雪櫃都做得幾似喎！

離開雪糕車之後就見到隔離有5米高的哥瑪先生燈塔，前裡仲有哥瑪次郎拎住紙扇撥涼好得意

展覽非常充滿夏日色彩！呢兩塊滑浪板其實真係可以做個實物出嚟喎，相信一定好受歡迎！

最唔好彩俾佢哋兩個見到Popup Store隔離有一排扭蛋機，哥哥開始心郁郁想扭我買！

見到呢隻手錶就更加忍唔住就嚟要開口問我「可唔可以買啦？」

但係佢知道我唔鍾意(因為屋企實在太多了)，所以最後都冇好強烈要求我買

跟埋呀劍嚟嘅其中一個小朋友，佢原來有妖怪手錶仲願意借俾佢哋兩個戴吓玩吓，真係好啦

可以暫時幫我止吓血！而佢哋又可以玩吓就好滿足喇，最好笑係小朋友都話其實插咭扭吓拎吓都唔係咁好玩！

(後話：當然哥哥離開時都仲有少少唔開心，我就見佢最近咁乖，番去送份禮物俾佢啦，因為其實有很多未拆的玩具一早放在家裡，全部都係朋友送或者以物易物得來的！)

一場嚟到呀劍都八吓究竟裡面有咩買，仲記得細個嘅時侯好希望可以擁有一套卡通人物的文具套裝，當時我最鍾意係龍珠同埋聖鬥士星矢！

裡面細細但真係有好多嘢買，眼都花埋！

我有主動問哥哥妹妹要唔要地縛喵底褲㗎，係佢哋話唔要咋！(衣物實用D我就會較願意買)

哥哥好想擁有的妖怪手錶！最多等生日送俾你喇，如果到時你未變心...又或者可能有朋友仔玩厭送俾我哋呢？

芊芊似乎對地縛喵一D興趣都冇！

Photo by CANON 5D Mark III, Len | EF 24-70mm f2.8L USM

呀劍評分: 9分