|
[上環] Oldish ‧ 二訪一嚐冬蔭公意粉和飛碟形漢堡！
|
|
糖小妹
2016-07-18
705
0
|
分享
收藏
Oldish 地址: 上環東街53號地舖 (港鐵上環站 A2 出口, 步行約8分鐘) 電話: 2697 3313 營業時間: 星期一至六: 12:00-22:00 星期日: 10:00-18:00 首訪文章: [上環] Oldish ‧ 周末寫意之選 | 走進懷舊復古味的咖啡店~份量超豐富的全日早餐，仲有勁流心的炸吉列芝士漢堡! 仲記得這天陰晴不定，突然又會落起大雨來，好彩去到上環一點雨都無，之後便慢慢走上那條滿斜的街道，二訪了這間滿喜歡的Oldish。仲記得首訪時望到開飯網的評語都是一般，但去過後又覺得不錯啊。知道餐廳原來有喇沙和冬蔭公味的意粉，兩款味道都好想試，便造就了這次再訪。 (喜歡的，請按讚支持，是給我很大的鼓勵啊 ) Connie's Food and Life Corner 由於是平日的六點多，未到晚飯時間人流不多便可以讓小妹慢慢拍照和周圍看看。 餐廳在每張檯上都放了不同款式的碟子讓客人使用，不同圖案的碟子挑一個自己喜歡的，拍照一流。 餐牌 Lemmy Lemonade & Karma Cola 各$48 夏日炎炎先點來了有機可樂和檸檬汁各一，樽子上都印了生鬼活潑的卡通。檸檬汁飲落酸酸微微的，不會太甜，飲後暑氣全消。 Thai Tom Yum Cream Sauce with Shrimp Spaghetti $168 二訪這裡，知道佢地有新派味道的喇沙同冬蔭公味意粉,兩款聽聞都有不錯評價！ 最後揀左後者，意粉好creamy掛滿晒汁，入口有陣陣冬蔭公味，唔辣，椰香味較重！不過都已經好岩小妹口味，冬蔭公味可再重少少就仲正！另外入面仲有野蘑同六隻去殼海，隻隻都好爽彈，真的不錯啊！ Four Cheese Beef Burger $178 (Jack Cheese, Orange Cheddar, Swiss Cheese, Crispy Parmesan Cracker served with Thick-cut French Fries & Mixed Salad) 首訪黎食過炸車打芝士漢堡覺得好特別，今次見佢新出左四重芝士漢堡，其中一款仲要係小妹食芝士麵包至愛食邊位突出黎的Crispy Parmesan Cracker！咁特別梗係要黎試下。 漢堡的賣相好得意，Crispy Parmesan令到漢堡呈飛碟的外形，一向食芝士麵包麵至鍾意食佢突晒出黎既Crispy，愛其夠薄脆又夠鹹香！ 麵包咬落帶微脆，味道甜甜的，約五成熟的和牛漢堡配上三款濃郁半溶的芝士，芝味明顯；和牛雖不會太乾身，但肉味一般。不過有數款芝士的加持後味道是不錯的，喜愛芝士的我們是滿足的。 Oldish Tiramisu $68 (Italian semi-frozen mousse cake topped with double shots of hot espresso) 終於食到呢款水泡形的Tiramisu啦！ 食落好有冰感啊，裡頭足料的Mascarpone Cheese，仲比左杯espresso你加落去！咖啡味濃郁又香，比平時食開的Tiramisu的咖啡香重得多，特別又好食！食晒個蛋糕仲可以飲埋餘下的espresso，夠晒滿足！
感謝 糖小妹 提供以上資料 糖小妹的網誌: http://concon2016.blogspot.hk/
|
~END~
| 商店 | Oldish (上環店) |