德興日式放題鍋 SeeWide

每次搭車出尖沙咀，巴士都一定會經過依間店，德興日式放題鍋，一黎我好鐘意打邊爐，
二黎佢個名又係叫德興～自然聯想佢同第二間德興有冇關係啦XD(廢話)

星期日同一班朋友出街食飯，諗黎諗去唔知食咩好，其中就有朋友提議左佢喇，
話佢坐得又舒服又唔太多人，最緊要打去預約又有位喎！（我地係當日早上先打去BOOK 10人食飯~)
難得星期日係個就腳位BOOK到位食飯真係勁好!!

7點鐘去到，店內剛剛好坐滿，枱同枱之間唔會好迫，坐得好舒服！最怕太迫！
模式同牛_同牛_鍋一樣，揀肉既等級，再揀鍋～佢一個鍋係兩邊姐係鴛鴦～～所以你可以揀兩個味～

叫完就可以出出面拎野食，肉佢會放係你枱面，想加碟就叫佢ＯＫ！
菜，丸類，醬汁(芝麻汁~柚子醋~)，就係店既最入，款式10>款左右啦，飲品就係右手邊雪櫃～
有可樂，C+檸檬，仲有依隻忌廉梳打～～有草莓味同桃味～仲有幾款韓國牌子飲品！！

枱面亦有一壺昆布湯俾你自行加水！

總括黎講，依到好值得試，價錢合理，地方舒服，味道唔錯！
員工見到我地有吉碟都收得好快～～出面既飲品同食材冇哂都會好快FILL新既出黎~
絕對唔會因為夜而唔加野或者慢慢黎~

＊後話：米太太我不嬲都好鐘意打邊爐，所以同米先生出街～一諗唔到食咩都係走去打邊爐，平時去開都係牛涮鍋～覺得佢Lunch時間兩個人都係130內埋單抵到爛...而家真係出去食個好小小既Lunch(茶記快餐除外啦當然~)都已經要過百，去食個鍋都係120..有野飲有飯食..囧
依間德興連夜晚都只係$168up(未計加1)...其實已經抵到爛啦...真心推介!!!

地址:佐敦彌敦道182號地下
電話:3760 8777

~END~

商店	德興日式放題鍋 TOKUOKI Beef Shabu Tabehoudai


抱歉，發生點錯誤。重新載入


(0)	(0)	(0)