抱歉,發生點錯誤。
重新載入
中環 - Ivan The Kozak
AboutFood
2016-08-04
407
0
分享
收藏
這篇文其實是出遲了,因為幾個星期前去的時候還是舊址而食店剛搬住新址營運。無辦法,電腦很多小問題,坐尾斑車升級Windows又搞了一大輪,到現在仍唔明點解經常打打吓中文會自己跳咗去變成打英文。由於只是搬遷,估計廚師都係嗰班,食物唔會變太多。這餐是團購飯,和散叫的沒大分別,只是散叫你未別會叫幾款咁近似的食物。

唔多識分乜野係東歐、烏克蘭定俄羅斯菜,由於東歐很多國家窮了很多年,好多時乜野放得入口的東西都會食,即係同早年的中國一樣,所以某程度上東歐各地的菜色都有點似,有時亦會與部份中國菜相似,當然比例上會更似西餐。

Fruit punch沒酒精的不過幾好飲,港式口味。紅白酒稍甜。
 photo Ivan The Kozak-01.jpg
 
烏克蘭排骨湯係咪成個中湯咁,只是煲完後加了些香草。味道幾清亦可以。
 photo Ivan The Kozak-02.jpg
 
沙律味道就如所見及所想一樣無乜特別,菜是鮮新的,沙律醬稍淡,兩款沙律的分別是是否在上面多放些臘肉。
 photo Ivan The Kozak-03.jpg
 
俄國傳統腰豆燴羊肩、俄國焗蘋果鴨胸及東歐煨香辣牛腩口味其實都比較似中式,似一般香港人睇完相後會想像到的味道,味道較淡不濃,米飯口味似印度米即無咁粘較爽口那種,初時食會覺得無乜味唔多好食,但撈埋汁之後就幾好食。
 photo Ivan The Kozak-04.jpg

 photo Ivan The Kozak-05.jpg
 
之後的甜品有點失望,特色雪糕是維記雪糕。俄國士多啤梨薄餅入面的只是些少果醬,而且與頭盆的三文魚子薄餅是同一塊薄餅。烏克蘭蘋果批味道確係估佢唔到,那種味對年紀較大的人來講一講就明,年紀輕的人就不會明白。幾十年前有一種擦紙膠,上面印咗A-Z其中一個美化咗嘅英文字,而擦膠頂部黐咗一條綠色擦膠的。這款蘋果批差不多完全等同那種味。
 photo Ivan The Kozak-06.jpg

 photo Ivan The Kozak-07.jpg
 
老細服務好主動好好,其它人就一個個主要係部份唔識廣東話唔知點去招呼你,整體幾好。食物雖說是烏克蘭及俄羅斯口味但稍偏向中式,除甜品外整體都算滿意。

感謝 All About Foods 提供以上資料

個人日誌: http://hkgfoods.blogspot.hk/

~END~
商店 東歐餐廳