|
迪士尼酒店 GRAND SALON – HIGH TEA
|
|
Cammy
2013-09-04
1080
0
|
分享
收藏
迪士尼酒店 GRAND SALON – HIGH TEA
迪士尼酒店 GRAND SALON – HIGH TEA
連續成個星期打風又落雨，我期待左好耐好耐既HIGH TEA幾驚因為唔好天而去唔到！好在星期六一炮過落哂D雨，令到星期日既旅程好好天(不過一D風都冇焗到我頭痛T________T)！！
首先小小介紹一下依個HIGH TEA，佢係位於香港迪士尼(唔洗我講點去啦 = =)入面既迪士尼酒店，唔好去錯！因為迪士尼有兩間酒店，你只要係地鐵站轉接駁巴士第一站就到架喇！白白地色果間，唔係藍色果間！落到車你直入其實就係大堂 = 即係3樓@__@而佢 GRAND SALON既HIGH TEA就只係星期六日先有(..佢當我地依D放閒日既死架..嗚....)於是我同老公老早就BOOK定位!
不過未去到HIGH TEA我 已經好無奈，首先等接駁巴士既時候因為好熱，我已經焗到暈暈地，上到巴士，我本身都以為係有蚊咬到，但係冇理由咬左起得咁快，我只係上去一陣我已經成身起 哂紅點點，係敏感既症狀，連我老公都有！！你可以想像到架巴士有幾污漕？？好快落左車之後一陣已經散哂兼唔痕，連腫小小都冇埋= =…OK我下次行入去= = 入到去時間剛剛好係2點幾，我地同接待既講左佢就好快俾位我地，人唔係太多，佢有大概５張SOFA位，我聽過人講可以REQUEST 不過我冇所謂，TEA有兩款 維多利亞式 & 亞洲美食 ，前者有三文治,鬆餅同埋甜品，後者則有中式點心等等…$228 / 1位，$328 / 2位，有飲品，我同老公都係點左ENGLISH BREAKFAST TEA，(其實我只係想飲普通茶…)等左一陣，擺滿食物既3層架,就上枱，比想像中吸引=p!!  (隻碟既花都好靚~~~)  
第一層係鬆餅，第二層係小份既三文治同鹹點，最底既就係曲奇同埋甜品！用黎伴鬆餅既牛油，忌廉同埋果醬都係米奇樣，老公話(第一時間食耳仔=p)，因為佢有標名果醬係自製，所以我都即時試一試，不過我食唔到同街買既有分別，同埋我仲覺得佢偏甜，唔通就係因為自製？ 我自己黎講幾鐘意佢個鬆餅，唔會一切落去就散到成枱都係，但又唔會硬實到似曲奇，佢果種鬆軟既程度我好滿意！鹹點都略普通，不過份量岩岩好！因為試過有D TEA太多甜食(最緊要係唔好食~囧)，底層有曲奇，朱古力撻，芝士餅同埋馬卡龍，馬卡龍做到外脆內軟既感覺，朱古力撻亦都唔會太甜，味道岩岩好同埋佢個撻真係脆既！反而係個芝士餅麻麻地，雲呢拿味好重(重手既雲呢拿油???)，唔太食到芝士味，餅底亦好似裝飾咁，雖然一次過擺落口但係個餅底可以0口感都算幾架勢~w
茶同咖啡都會不停添加，場內唔大，侍應既數目可以１枱對１枱咁制，所以加茶同好快，服務亦好好，因為周遭既人都不停”唔該幫我地影張相~~”，佢地都好樂意幫手，而且快手快腳有禮貌！ 雖然當日係星期日，但係幸運地場內唔算多人而且唔算嘈，食到一半有樂隊係上一層演奏，大廳外就正正對住酒店既綠色迷宮同埋海，依個HIGH TEA都總算食得幾HIGH！ 總括黎講，如果以依個價錢可以靜靜地Enjoy一個假期都唔算差！
BTW事後我再搭接駁巴士出番去轉車閃，架巴士都係勁爆污漕，有人倒瀉水定咩，又有蟻，我又係成隻腳即使起哂點點= =…我要行入去!!
電話:3510 6000
|
~END~
| 商店 | 迪士尼樂園酒店 |