|
簡而精 – Hungry Korean
|
|
Cammy
2013-09-04
713
0
|
分享
收藏
| 簡而精 – Hungry Korean 依間韓式既快餐店，應該好多人都會認識，因為佢兩間分店既位置均係較旺既區域，而且有別韓國餐係我地印象中只有韓燒= =既類別，走快餐路線，而我係銅鑼灣番工既關係，知道佢有開分店而且唔洗排隊當然係試啦！！
我既食飯時間係5點左右，所以當日去到銅鑼灣店既時候都比較靜，只得幾位客人，一入門口右手邊就有小小小既counter同收銀機俾你即時買野食取單坐低等食，餐牌就係入門口右手邊既上方，食物款式唔算多，石頭飯，鐵板燒配飯，韓式壽司，小食，第一次去到我就試佢既豆腐湯配飯($42)，配抹茶牛奶(+$9)，$51食個飯黎講，都算貴，不過韓式料理黎講中中等等啦…
買左野食拎左單，你就可以坐左到等食，佢地會拎過黎你個位到，記得單要擺係枱面，唔係佢唔知你叫左咩= =”，座位黎講唔算舒服，不過好在唔係迫得好緊要，快餐路線，唔會要求太高啦！5分鐘左右，食物上枱，我既豆腐湯飯紅到不得了，完全係辣油湯嚇到我D同事死XD!!先講入面既材料，豆腐湯我預左唔會有太多料入面，有１磚豆腐，兩隻蝦，兩隻青口，小量碎翠肉瓜，我諗男士食一定嗌哂救命，不過好在豆腐都夠滑，而且湯都幾濃味(韓式醬料味~~)而且都幾辣，整體都算好食，除左料真係較小啦！至於抹茶牛奶，成杯野都好淡味，好淡抹茶味反易奶味較勁，拎黎沖走口入面既辣味一流，當然，你唔可以將佢同STARBUCKS或者台式飲品店既比啦!當係普通飲品好喇!
食過１次之後,當然有第2次番頭啦w今次就試左辣魷魚跟飯($49)都係加抹茶牛奶(+$9)，今次因為午餐時間去，人比較多，都好在唔洗排隊!好快我點既都上菜，今次我個個都係紅卜卜既~囧~ 不
過今次依個比較豐富有好多泡菜同埋魷魚，亦都係好辣，同枱既同事有食豬肉款，不過都冇我果個咁辣！佢用左好多既韓式辣醬去炒依個泡菜魷魚，味道相當濃香，
但係比較鹹左小小，如果話送飯真係一流，但係剩食就唔得喇！所以我都好俾面食哂成碗飯，因為真心鹹！抹茶牛奶亦都同上次一樣，奶味重抹茶味淡！
整體黎講我自己就幾喜歡依間野，因為其實我自己都相當喜歡食韓式既料理，佢既價錢亦都幾實惠，至於快餐店形式冇咩特別既服務，只可以講每位員工都快手快腳，點餐，上菜同清潔都好快，令到成間店乾淨整潔！GOOD!
銅鑼灣店地址: 銅鑼灣渣甸街50號渣甸中心地下D舖
電話: 2698 4777
電話: 2730 5577
|
~END~
| 商店 | Hungry Korean (尖沙咀店) |