車媽媽係重口味的人薑蔥蒜更是煮飯仔常用的調味料,從朋友口中知道韓國過江龍Mad for Garlic殺到來香港我呢個蒜頭粉絲點可以唔去朝聖呀！

餐廳位於時代廣場裝修偏向歐洲式嘅酒窖設計感覺時尚又摩登,確實佢都係西韓嘅fusion菜館來的。

餐廳選用開放式廚房我最喜歡這種感覺，在這裏的食物好像有生命般的在跳動！

這夜我們四人被安排坐於卡位中，連我那麼肥美都坐得很舒適。

先點飲品我選了鮮{薄荷冰茶}$36,在這麼炎熱的天氣下飲啲薄荷飲品真係很舒服，而且茶味都挺香㗎。

食咗頭盤先{凱撒沙律}$88，用上完棵嘅羅馬生菜，面頭鋪滿即刨芝士，蒜片及煙肉賣相好宏偉呢！

羅馬生菜爽甜得可以，加上香濃脆口嘅蒜片，感覺清爽得嚟食落又香口，不喜歡食菜嘅朋友的應該要試下呢！

然之後到神秘嘅{德古拉殺手}$68，名為德古拉殺手嘅頭盤用上大量嘅蒜頭同埋初榨橄欖油嚟泡製，再加埋鹹香嘅銀魚柳提味那香氣真的令到殭屍德古拉都要投降呀哈哈*^O^*

這個{MFG特色蒜蓉塔}$48係我力點要試前，將法包鋪滿生蒜焗至金黃焦香後灑上紅椒粉調味。

侍應會貼心地幫我哋將蒜蓉塞返落去然後再分件上給我們食用。

蒜蓉塔味道超濃郁還帶點點辛辣十分吸引果然冇點錯你。

{菠蘿,蝦,蒜片MFG招牌薄餅}$108，用韓國的麵粉搓成薄餅，吃時加添巴馬臣芝士，好誘惑呀。

餅底好香脆還有我最喜歡嘅菠蘿，加埋蒜片和芝士那份香氣簡直係無敵嘅組合！

{香辣三重蒜味海鮮意粉}$108，意粉用上較平常餐廳用的幼身，配合大量嘅海鮮同香辣惹味嘅醬汁又係引到人口水直流(￣∇￣)

意粉質感十分彈牙，而用上韓式辣醬炮製嘅醬汁香濃惹味，我超級喜歡這意粉啊～

食到呢度唔得喇要飲杯酒先，{紅莓白酒特飲}$42用上清香嘅什莓mix出嘅白酒特飲，酒味不算濃烈清香好入口，好啱女士們飲用。

{烤MFG招牌澳洲M9和牛肉眼扒配蒜頭山}$398， 呢度菜係全餐廳用上最多蒜頭嘅菜式香嫩的澳洲肉眼扒烤香之後鋪上50克生蒜，再以60克炸蒜覆蓋整塊肉眼扒，而堆砌成的巨型蒜山，還用上鐵板上檯令香氣更加逼人。

可惜車媽媽吃不了牛無緣一試了！！

{烤雞柳伴牛津餡角配蒜香乳酪醬}$108看相極似中東包食法，把嫩滑極雞肉同蔬菜塞進餡角內最緊要加上香滑嘅蒜香乳酪醬同吃，也不失一個不錯的吃法！

{檸檬辣魷魚韓風意大利飯配醃漬蒜心}$128，加添了檸檬嘅意大利飯味道較為清新，黏黏糯糯嘅感覺最是我喜歡的，而且意大利米仲要係韓國用牛油半處理後才到港再加以烹調所以零舍香滑， 當中那醃漬嘅蒜心亦十分可口，佢同意粉比較我還是喜歡這意大利飯多點呢^_^

{蒜頭香蕉朱古力醬薄餅配自家製雲尼拿雪糕}$68，邊個估到連甜品都要有蒜頭呀！原來餐廳用咗糖漬嘅蒜粒舖滿在脆口嘅薄餅上，加埋自家製嘅香滑雲呢拿雪糕及黃豆粉，真的十分有驚喜囉而且味道很配呢^_^

呢個糖漬蒜粒又香又甜又好食，吃得車媽媽很愜意。

吃飽飽當然要去洗手間鬆一鬆啦!見到呢個蒜頭圈真係咩鬼都唔使驚啦haha~

連洗手間都別緻過人,充滿太空咁感例洗手梘液樽都份外可愛。

不過最貼心嘅都係有漱口水的供應,咁大家吃下多多的嘅蒜頭都唔怕啦hehe~