經常見外國家庭的後花園有個小小 樹屋 ，就像孩子們之間的秘密基地，叫不少人都趨之若鶩！但回歸現實寸金呎土的香港地，一來大樹也買少見少，更遑論家有後花園或樹屋。而在大埔的「 樹屋 田莊」，算是香港少有可供公眾參觀的 樹屋 ，但可惜平時想去玩就要組團先有機會，最低成團人數也要20人，的確大有機會約到咁多人，莫非想登上 樹屋 ，真係難過登天嗎？今次真係機會嚟啦！

事關一年一度的開放日即將於8月28日舉行，屆時會有多個活動同時舉行，似足嘉年華，絕對係親子假日的好活動！雖然叫做開放日，但大家仍要俾$40 入場費，而玩各項遊戲亦要買$25、$40、$45嘅遊戲券，不過唔使預約及組團，Walk in就玩得，的確方便得多！但要留意的是，場內人數上限為600人，大家當日要早啲去呢！擇日於八月尾的開放日，明顯是開學前讓小朋友放電揮霍汗水的最後 機會！一齊睇睇場內有咩玩！

場內有遊樂場設施俾小朋友玩。

想上爬樹上樹屋？梗係要穿上全幅安全裝備先得！上落樹屋都有教練在旁親身幫手拉小朋友，夠曬穩陣！上到樹屋，俯瞰園內景緻，如斯田園美景，在港甚少機會見欣賞到。樹屋內裝潢簡陋，只有小枱放置工具，若大家抱住窺探秘密基地的心態登屋，可能有點兒失望。

除了遊樂場設施及榭屋外，同場仲有唔少好玩的田園活動，城中甚少地方玩到，如繩索過河、飛索及拉索過河等，好玩又刺激，大家唔好錯過啊！

湖上凌空踩鋼線你又夠唔夠膽呢？做咩會無啦啦有兩條鋼線？究竟玩咩？睇埋下張相你就知！無錯！就係由山丘上由高而下飛索落山，好刺激！除咗登上樹屋外，仲可以爬樹呢！小朋友唔敢爬樹？可以試下攀石先。橫水渡都有得玩，湖中仲有唔少鯉魚游來游去呢！