抱歉,發生點錯誤。
重新載入
嘭嘭去街街 @ Mikiki
NatNat
2012-10-31
825
0
分享
收藏

嘭嘭去街街 @ Mikiki

自從結婚之後,因為同老爺奶奶住,而奶奶極度怕狗嘅關係,將寶貝仔留係娘家由婆婆照顧,然而我同Mr.C甚少帶寶貝仔去街街了,相信寶貝仔一定很掛住以前同爸爸係公園勁跑的日子。

其實我地對佢嘅愛係從來未來減少過架,只係所有活動都係婆婆屋企,一起看電視,係屋企來回跑咋嘛。有時候我都會好自責,因為自己生活上嘅改變令到寶貝仔都要跟住變,對唔住啊寶貝。。媽媽會好快揍返你架。

Mr.C就係因為內疚,上星期五晚即刻上網搵有咩新地方可以帶BangBang去。。。結果揾到一個可以入狗嘅商場Mikiki
同寶貝仔逗留3個鐘後,個人認為Mikiki這個商場有細心之處,但仲有好多改善空間呢
先講優點:


睇完幅圖,係米好多優點呢?
服務好貼心啊,我地用$300按金借用寵物手推車3小時
如果有bb真係可以咩都唔駛帶。。。哈哈

至於缺點就係:
雖然話係狗狗商場,但狗狗係唔可以落地行架!一定要租車仔架,當然你可以放係狗袋or自己抱住
同埋商場內係無狗廁所架,只係租用嘅車仔內有一塊尿片



咁耐無去街,寶貝仔好似驚自己無精力玩咁,一上車就好快趴咗係我大比度眠一眠叉電
你甘醒 嘅!



一落車,寶貝仔就醒曬啦。。。仲有少少失控添,死到唔肯放對手入袋,好似要為隨時跳出袋咁
乜你咁難玩架



可惜去到先知商場係唔准狗狗落地架,唔緊要啦。。爸爸即刻去租車仔俾你
今次係寶貝仔第一次坐寵物車仔,可惜佢唔係好高興囉。。。
放佢落車,佢就跳車逃走啦。。最後佢發現無路可逃,唯有乖乖就範
全程趴係車仔無嚟心機。。。慘慘豬囉。。。

爸爸知道寶貝仔唔開心,即刻提議轉場。。帶BangBang去公園喪跑
同BangBang跑完,就係時候送佢返去婆婆度啦,(講到哩度我又好掛住阿仔添)

聽婆婆講BangBang當晚瞓得淋。。。一定係跑完好赲嘞


Milili位於新蒲崗太子道東638號,有時間可以去行下呢
~END~