這店的午餐好像是有好多個印好的餐牌每日在轉的，坐落時侍應會講當日供應的是那一頁的套餐。先來餐湯麵包，麵包及湯都不特別，不過有一碟黑醋同橄欖油給你點麵包，馬上覺得高檔點，但醋及橄欖油質數只一般。  

主菜樣子不過不失，味道算唔錯，不過有個幾奇怪的現象，就是當日食的東西所有味道都頗基本，醬汁沒有複雜的調味，唔好諗往是想讓人客食到食材原鮮味，完全唔係那個方向，食材本身不是特別好的級數。例如蘋果醬汁就真係太似加點鹽後用攪拌機打爛的蘋果汁，雜菜本身就有點似清水白烚，加點牛油同鹽或更好。意粉就煮得幾好，不會覺得爛。  

另一次試了下午茶餐煙肉扁意粉，這個幾好味不過就鹹了點，感覺煙肉唔太多反而火腿較多。  

香港一般的西餐廳價錢都比價貴，這間坐落在深水埗的餐廳價錢還可以，一個套餐都是幾十蚊貨仔，或者是比同區的茶餐廳貴一點，不過食物味道亦同樣地高一點。去完電腦商場去食個餐都唔錯，平日人氣不多想淨淨地坐下好過去麥當當。

感謝 All About Foods 提供以上資料
個人日誌: http://hkgfoods.blogspot.hk/