|
汗流浹背
|
|
愛食
2016-07-05
277
0
|
分享
收藏
| 約o左男同事DN今日(5-7-2016 Tue)我返沙田抽血,順便一齊食晏,重有另外5位同事一齊,DN book o左呢間.我o地o黎到就剔點心啦. 1. 燒腩仔 一碟都幾多,重係暖o既,皮脆肉軟,OK. 味道: 4分 2. 話梅甜豬手 幾大舊,我夾舊細細地o既食,冇乜話梅味,只有甜味,我唔多鍾意,豬手係夠腍. 味道: 2分 3. 蝦餃 幾大粒,內裡全部都係蝦仁,爽口同新鮮. 味道: 5分 4. – 6. 燒賣,牛柏葉,鹹水角 我冇食到. 7. 脆麻花 一碟得三件,好鬆化,糖漿唔多,唔算好油,好食到我同女同事CY食到停唔到口,差啲被我o地食晒. 味道: 4.8分 8. 菜苗餃 蝦同菜o既比例唔錯,味道比較清淡. 味道: 3.5分 9. 金錢肚 好耐冇食喇,呢個好腍好入味,唔錯. 味道: 5分 10. 鳳爪 同樣係好耐冇食,食少少,一樣係好腍好入味,唔錯. 味道:5 分 11. 唔知咩牛仔骨 每件都細細件,鬆軟o既.但女同事CP話食到一口粉,應該係鬆肉粉,攪到一pat pat. 味道: 4分 12. 春卷 好熱,內裡o既餡都好熱,但好似冇蝦仁同唔算惹味. 味道: 3分 13. 叉燒腸 一碟5件,叉燒粒算甜,腸粉厚身,接受到. 味道: 3分 14. 馬拉糕 切開四份,唔太甜,口感正常. 味道: 3分 後加o既: 15. 釀尖椒 一碟得3條,我冇食,食得辣o既同事食,有話辣有話唔辣,好攪笑. 16. 柴魚花生粥 女同事CY先食,佢話冇味.我問唔通係白粥?因為見佢都好似冇乜料咁,我就食兩匙啦.食到淡淡o既柴魚味,粥唔係好稀亦唔係好杰. 味道: 2.3分 17. 魷魚酥 炸粉鬆亦唔係緊粘魷魚鬚,呢個幾乎冇調味,自己蘸喼汁同淮鹽食,雖然自己蘸調味料食,但魷魚鬚似白灼過,爽口得o黎唔好食. 味道: 2分 18. 棉花雞 女同事CP叫,其實我o地個個都只o考’棉花’,好彩’棉花’有好多,我都係只食’棉花’,同樣,’棉花’好熱,好腍,但幾鹹吓. 味道: 2分 19. 鯪魚球 都幾大粒,我食半粒,呢個混o左啲冬菇粒同唔記得咩o野,口感有別於平常o既鯪魚球,冇咁實甚至係粉粉地,味道亦有啲怪,唔好食. 味道: 1分 20. 荔芋包 呢個係男同事FY問經理有乜推介,經理就答呢個,蝦餃,燒賣同BB鴿,我o地就叫埋呢個. 白色同紫色相間,幾靚.熱騰騰,內裡o既芋蓉滑同唔太甜,係幾好食. 味道: 4.8分 其實第一round係叫o左15樣o野,但我唔記得另外o個兩樣係咩. 環境: 地方好大,棲底係好高,但冷氣唔夠,個個都嗌熱,眼見佢o地都擺o左幾部風機,同侍應反映,問有冇另一張枱會涼啲.答冇.佢o地只可以將風機移向我o地吹. 初初我個位都感受到啲啲涼風,之後食佢即蒸或即炸o既點心就大鑊,係咁流汗同成身濕晒,好辛苦. 呢o度o既點心唔平,重要細細碟,環境只係寬敞有鬼用. 服務: 走唔切,叫收o野,o岩o岩o係佢面前清o左一籠就走o左,叫都唔叫唔切;斟水又係. 2.5分 抵食係2.5分
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$90.00
| 商店 | 天澄閣 Crystal Harbour Restaurant |