|
慢嘆下午茶
|
|
愛食
2016-07-18
307
0
|
分享
收藏
| 前日(16-7-2016 Sat)同老公去完北角後,未夠鐘去東區醫院探病,老公話去馬寶道o個間舊豆品舖食o野,行到去,點知冇o左. 於是去康怡行同食啦. 搭電車到o黎,老公話不如睇呢邊商場先,有好多食肆,左揀右揀下,我o地揀o左呢間.我o地要o左: 1. $118.00o既全日早餐,呢個原來都有湯或沙律,同餐飲,老公揀o左湯,要岩鹽焦糖咖啡雪香,原價$40.00,但跟餐只須加$18.00. 冇耐,餐湯同餐包到o黎, 個包暖暖地,口感正常,好味. 湯係粟米忌廉湯,我放隻湯匙上去,仍見到個湯匙,可想而知少得可憐 . 湯o既粟米味好濃,但粟米粒唔夠腍,質地o既杰度適中. 味道: 4.5分 之後全日早餐到o黎,有流心蛋芝麻包伴意大利黑松露醬,酥炸魚柳,煙肉,火腿扒,雞肉腸,法式牛角酥,意式沙律同粟米. 雞肉腸同火腿扒味濃. 味道: 4分 法式牛角酥牛油味都好濃,口感鬆,仍有陣焗o既香味. 味道: 4.7分 酥炸魚柳Coeyfu1024形容o既一樣:“脆但無味,無鯹,無味,無臭.”我加多個,o鞋,真係好差,要蘸伴上芥末味薄弱o既醬同食 . 味道: 0分 意式沙律,菜係新鮮,但黑醋唔夠. 味道: 2.8分 流心蛋芝麻包伴意大利黑松露醬,流心蛋唔係咁流心(好彩,唔係我同老公切開一半後,蛋黃流晒出o黎). 呢個食到有少少醋味,我覺得恰當. 味道: 3.5分 而芝麻包,唔講係芝麻包由自可,一講,唔覺係芝麻包囉,完全感受唔到. 味道: 2分 最後o既粟米係牛油粟米,大致上冇乜問題啦. 味道: 2.8分 岩鹽焦糖咖啡雪香 撩吓啲岩鹽焦糖食,只係唔太甜o既焦糖,岩鹽何在?而成杯o野,只有淡淡o既咖啡味,一般. 味道: 2分 2. $48.00o既法式意大利芝士千層蛋糕伴焦糖香蕉 呢個等成半個鐘至到,唔明攪乜,好彩我o地冇o野做,唔趕時間之餘重要係等時間過,多謝佢俾我o地o係o度hea . 其實呢個冇乜難度,法式意大利芝士千層蛋糕唔係即叫即整吧?焦糖香蕉又好難整咩?切幾片香蕉,上面洒糖燒一燒攪掂,侍應話要等10-15分鐘,都已經俾多佢啦. 講返,焦糖香蕉平凡不過啦;個法式意大利芝士千層蛋糕咪就係tiramisu,只不過係雪到好凍,大大提升芝士層o既口感好啲實啲,味道係正常冇問題.唔通就係要等呢件tiamisu雪硬? 味道: 5分 最後呢餐由3點食到4點,賺o左. 環境: 原來覺得唔算差,但是日冷氣好似唔多夠. 服務: 都唔算太差,中年o個位女侍應無疑經驗係最豐富,最smart,上全日早餐,佢即主動問使唔使俾隻碟我o地? 而另一個男侍應就問我o地個甜品使唔使上埋? 美中不足係冇幫我refill水同等個甜品實在等得太耐.
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$101.20
| 商店 | Alfafa (太古店) |