|
今次食第二啲
|
|
愛食
2016-06-29
307
0
|
分享
收藏
| 尋日(28-6-2016 Tue)朝,大嫂話有o野俾我,問我幾點可以攞.我提議叫埋爸爸,三個人一齊o黎食齋,大嫂肯.之後爸爸都肯,於是三個人o黎. 大嫂早一步攞位,我同爸爸後到.我就叫啲上次食過,覺得可以encore o既.同埋爸爸可以食o既齋,就叫o左: 1. 紅燒雞絲翅 料同上次食o既一樣,但今次質地好似稀啲,味道似淡o左少少. 味道: 4分 2. 脆皮蜜瓜奶 今次俾4粒,我冇食到,只有爸爸一個食晒,佢冇講好唔好食. 3. – 4. 蘿蔔糕, 春卷 呢兩個都同上次一樣,冇乜分別. 5. 生炒素肉飯 素肉o既顏色同口感好似真牛肉,飯粒分明,不過幾油(炒飯係咁o架啦),有啲滯. 味道: 3.5分 6. 蜜桃炆鮮竹 心中對呢個充滿期待,蜜桃甜,但鮮竹令人失望,應該係啲汁令佢唔好食,好差. 味道: 1分 7. 清炒合時菜 原本叫葡汁會雙蔬,侍應就建議呢個,話清啲.啊,就叫呢個.咁呢個係白菜仔,正常冇問題啦. 味道: 3分 8. 凍豆漿 今次豆漿依然唔係好凍,味道就冇上次咁甜. 味道: 3分 9. 金菇炆茄子 呢個冇難度,正正常常. 味道: 3分 10. 馬蹄糕 爸爸最愛馬蹄,所以叫俾佢做甜品,我都食啲,馬蹄粒唔多,糕身唔夠挺太腍,味道就清清地,唔太甜. 味道: 2.4分 11. 咸水角 睇到冇乜餡,味道同真咸水角一樣,口感煙韌. 味道: 4分 12. 西汁酥香鴨 又係同上次一樣咁好食. 味道: 4分 13. 錦鹵炸雲吞 炸雲吞就係一塊塊冇餡o既脆片,蘸酸甜汁食冇乜難度. 味道: 3分 14. 翠芹蓮藕片 蓮藕片爽口,味道,一食就係食到南乳味,呢個都係正常啦. 味道:3分 上次食評: http://www.openrice.com/zh/hongkong/review/%E5%94%94%E5%A4%AA%E6%B2%B9-e2609691
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$74.80
| 商店 | 寶蓮素食 |