|
味道仍爭啲
|
|
愛食
2016-06-11
419
0
|
分享
收藏
| 7-6-2016(Tue)晚,全家o黎呢o度食端午節飯,爸爸,我同我老公先攞位同叫定o野,我o地叫o左兩個餐,一個係$318.00o既龍躉蟹肉餐,另一個係$538.00o既龍蝦三寶餐. 龍躉蟹肉餐定o左有金蒜蒸龍躉頭腩,翡翠炒龍躉球同鮮蟹肉煎芙蓉蛋;龍蝦三寶餐就定o左有約一斤o既芝士焗龍蝦伊麵.兩個餐,各再自選一同兩個菜. 我同老公揀o左明爐脆燒鴨半隻,魚湯鮮竹浸菜苗同是日煲湯.但見TTL7個餸,唔好意頭,於是叫多個$68.00o 既海哲燻蹄. 1. 是日煲湯 原來係冬瓜湯,料好多, 味道淡就算,但有啲怪. 味道: 2.8分 3. 海哲燻蹄 份量恰當,海哲爽,充滿麻油香;燻蹄都爽口,冇羶味. 味道: 2.8分 2. 明爐脆燒鴨半隻 好大隻,好多肉, 皮唔多脆o架喇,不過味道o岩o岩好. 味道: 3.5分 4. 鮮蟹肉煎芙蓉蛋 端上o黎嗅到好香蛋味,好期待,夾起o黎食,蟹肉少到近乎冇,裡面多數係芽菜仔同蔥,味道唔太鹹. 味道: 3分 5. 翡翠炒龍躉球 感覺鑊氣唔多夠,魚肉仍滑,不過唔多惹味. 味道: 2.8分 6. 魚湯鮮竹浸菜苗 菜苗係白菜仔,呢個我食得好少,可能食得慢 ,白菜好似有少少苦. 味道: 2.8分 7. 芝士焗龍蝦伊麵 呢個攤凍o左,芝士味道好夠,但伊麵有啲碎,龍蝦肉有啲啲異味,大嫂話唔多新鮮. 味道: 2.9分 8. 金蒜蒸龍躉頭腩 龍躉頭腩肉仍滑,但有啲鯹味,反而我鐘意食墊底o既腐竹,因為入晒味. 味道: 2.9分 9.楊州炒飯 o係食到9成後,爸爸竟然話要叫飯. 於是叫呢個,炒出o黎大大碟, 飯粒唔太乾身,但材料都幾足,蝦仁爽,瘦叉燒粒唔係好甜. 最後呢個梗係食唔晒,有8成拎走. 味道: 3分 呢餐叫o左兩罐汽水,埋單$1,214.50,抵食係3.5分. 服務: 開頭俾o個張8人枱位處完一條柱同燈柱之間,坐得好迫,於是提出換枱,俾o左張o係角落角10人枱,咁就舒服啲.其實o個個位可以擺張4-6人枱,咁就好啲. 每枱都放一壺水o係o度,但o個壺水係凍晒. Order o左餸後,侍應見未齊人都會問起得菜未? 開頭其實都烚吓烚吓,之後o既服務都唔錯o既.
感謝 愛食 提供以上資料 愛食的網誌: http://www.openrice.com/zh/gourmet/reviews.htm?userid=46226&city=hongkong
|
~END~
人均
$151.81
| 商店 | 明星海鮮酒家 Star Seafood Restaurant (石圍角商場店) |