|
簡約居酒屋
|
|
chickenandpp
2016-05-29
364
0
|
分享
收藏
| 同屋企人去開九龍城就順便食埋飯， 依頭都算幾多食肆揀，不過屋企人比較偏好日本料理， 最後見到店員已係門外熱情招待，就入去食餐飯喇～ 門面頗為簡約，以居酒屋做招來，睇落去比較清，唔會好花巧，而屋企人都比較中意樸素為主。 環境睇落去雖比較簡約，但又帶有幾分懷舊感覺，牆上貼上左宮崎駿系列同其他電影既紙質海報， 而另一邊則係一個文滿日本酒既牆架，睇落既簡潔又有風格 濃厚醬油拉麵，剛剛上菜既時候湯底不斷起泡，原來湯底有一塊火山熱石助熱， 不過整體溫度唔會燙口，保持係微暖狀態，湯底豬骨味好重，亦好有膠質感， 拉麵有彈性，食落去爽口，而叉燒味道偏淡，有微微既脂肪，口感嫩身～ 溏心蛋一分為二，有半流心效果，口感嫩滑，蛋漿味非常濃郁 炸小海老，好少機會食到既炸小海老，份量好多價錢好實惠， 另外伴有檸檬同海鹽調味，海蝦仔炸得好脆，可以連殼一齊食， 因為海蝦仔本身既味道都比較淡，加上鹽同檸檬汁就岩岩好，岩晒口痕既人食～ 櫻花海老豆腐，佈滿左好多木魚花係面層，望落去好有大坂燒既感覺， 豆腐以常溫送上，口感幼滑，配上木魚花同小海蝦做調味，係唔錯既配搭。 忌廉薯餅，第一次食到既忌廉薯餅，外面炸至金黃色好脆身， 內裡係熱辣辣凝固左既忌廉同薯粒，忌廉口感香軟加上外層脆身既面粉， 味道甜中帶香，不錯一試呢！ 酒煮廣島蠔，價錢相對地有啲貴，因為$68只得三隻，不過味道就唔錯， 食落去幾鮮口帶酒香，蠔既口感都好JUICY，味道岩岩好。 螢光魷魚，比較幼小既魷魚種類，雖然做左刺身唔識發光，但依然夠晒吸睛， 醬汁令魷魚變得酸酸微微，而魷魚既口感比較黏口，會食得出內裡既醬， 而味道頗為鮮，偶而又帶啲腥，介於兩者之間。
感謝chickenandpp提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | 浜滝 |