|
愈近愈好
|
|
chickenandpp
2016-06-08
408
0
|
分享
收藏
| 之前都有食過紅蔥頭既分店，對佢都有咁上下認知， 前幾日同fd行完旺角金魚街，又想食野醫下肚， 行下行下走左去始創，見到有間熟悉既餐廳就坐低左喇。 「食生不如食熟」，當然生同熟既意思唔係指食物XD 依然係一如以往既懷舊複古感覺，7點左右已經幾爆人，好彩都尚有一兩張卡位。 環境仍算寬敞，燈光明亮，坐係到都幾舒適，最緊要係價錢夠平好抵食！ 最抵食既係套餐選擇，包括有餐湯、主菜、雪糕、餐飲等等，都係二百左右既價位， 而我地一齊嗌左個套餐同小食～ 蒜蓉包，同餐湯一齊上，咬落去非常脆身，有陣陣既蒜香味，仲可以浸落餐湯到令感覺冇咁乾～ 餐湯，以前特別中意白湯，而以家口味有少少改變，中意左飲羅宋湯， 酸酸咪咪既味道好開胃，飲落帶微微既辣，但不改我既食慾。 法式香草牛油焗田螺，賣相唔算太討好，但味道唔差， 田螺煙韌帶鮮，好有咬口，而且有牛油既香味，而薯蓉口感creamy，牛油香更重～ 芝士牛油蒜蓉焗青口，焗出黎既味道好香，但係每隻青口既芝士都唔算多， 食落去尚有芝士味但唔多，而青口既口感有啲韌，如果更多芝士既話會更加好呢！ 意大利魷魚墨魚汁意粉，今日簡直係海鮮餐xd叫左幾樣都係海鮮為主， 份量好足夠，魷魚數量都好多，口感煙韌帶鮮香，意粉好有彈性， 而墨魚汁既配搭得岩岩好，味道唔淡唔濃做到個平衡，整體黎講都唔錯。 士多啤梨味雪糕，出奇地入味，酸酸甜甜既味道，成個感覺都好清新， 味道一啲都唔假，而且有朱古力碎碎增加口感！以雪糕作結好完滿呢～ 綠子奶茶，不得不提既特飲，岩岩上既時候綠茶同奶茶分開左兩層， 其溫度適中，搞拌後味道均勻，整體都唔會太甜，奶味香濃，同綠茶既味道都幾夾！
感謝chickenandpp提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
| 商店 | 紅蔥頭 (太子店) |