|
好一句吃貨在江湖
|
|
chickenandpp
2016-05-29
314
0
|
分享
收藏
| 其實都有好一段時間冇食過中菜， 早幾日就同左位朋友去食四川重慶菜， 不過其實我地都唔太食得辣，好彩都有唔辣既揀XD 話明吃貨P當然就緊係乜都要食，中日韓西東亞乜都殺！ 之前都食過十二味系列，而今次我地轉戰埋佢地既中菜館， 只見門面已有大大隻熊貓LOGO去招待我地喇～ 有幾分大陸菜館既感覺，環境都幾寬闊，牆上掛左幾幅熊貓壁畫， 而且提左幾隻大字：至味在人間，吃貨在江湖。 中間有幾圍家族枱，岩晒人家大細親戚擺滿漢全席， 道出左唔少吃貨既心聲XD我正正就是如此！ 同大陸中菜館都有幾分相似，前菜都有一碗花生，依款係用鹽水浸過， 花生口感較軟淋，唔係脆卜卜果種，而味道亦帶咸，唔講唔知原來前菜都會收取$10 xd 甘孜蒜香金排骨，蒜香排骨既酥香味十足，件件都炸至金黃色，味道充滿酥炸油香， 口感外脆內軟，排骨肉質爽韌，味道酥香帶咸，用黎送飯簡直絕配，不過會有肥膏位， 排骨既數量都好多，兩個人食足夠有餘，岩晒唔食辣既人士！！ 清炒時蔬，食完熱氣野就緊係要食啲菜中和下，白菜仔幾新鮮， 食落去好爽，味道好均勻，不過凍左就會有少少偏咸，另外價錢都唔算抵食。 雞湯抄手，因為見佢唔辣所以點左，原本都幾期待不過食過後有啲失望， 主要原因係個湯底偏咸，蝦毛亦會令個湯更加咸，令抄手個外皮吸晒味， 食既時候層皮極咸，但內裡肉餡唔錯，冇被污染，但湯底原因依然要扣分。 粒粒蘆薈椰青水，味道偏甜尚可解渴，有果肉粒但不多，椰青味未算清香那種，價錢偏貴。 估唔到都食左成$300，個人比較推介甘孜蒜香金排骨，有特色又唔係周圍都食到， 而另外既就因應個人喜好嗌吧！少食到既中菜館都要支持下～
感謝chickenandpp提供以上資料 chickenandpp的網誌: http://www.openrice.com/zh/gourmet/reviews.htm?userid=51033932&city=hongkong
|
~END~
人均
$155.00
| 商店 | 十二味巴蜀江湖菜 (原名 十二味麻辣三兄弟) |