抱歉,發生點錯誤。
重新載入
愈放題愈放縱
chickenandpp
2016-07-25
288
0
分享
收藏
縱使一直同身邊既朋友講話要減肥減肥,
但講下講下,又因為好多飯聚而令自己不停食食食,
減既速度完全追唔上食既速度,我又一次抵制唔到自己既食慾又衝左去食放題Q_Q

因為朋友酷愛放題,又要死都拉埋我去Q_Q(佢明知我減緊肥)
最後抵受唔住誘惑去左,今次又要做番唔知幾多運動先減得晒!

7點左右人流好多,都要等一輪先入到去,門口都有幾個位比客人坐下,
差唔多15分鐘左右就入得,我地黎既時間都算早所以等唔係好耐。

坐左係有啲擠迫既中間位,一直都好想坐窗位望景,但可惜黎既時候尚未算早,
不過好彩全部食物由員工送餐,想拎甜品同飲品都唔洗郁黎郁去。

位都未坐暖就已經要點野食喇,因為最近腸胃唔太好所以冇乜點食刺身,
主要都食番比較熟食方面既野,而朋友就嗌一人份既刺身自私食xd

溫泉蛋,口感細滑,加上原本既醬汁令蛋漿味更香濃,可以配埋一品鍋一齊食。

三文魚壽司,壽司用醋飯製成,食落微微暖身,三文魚軟腍可口。
蟹棒壽司,夾起上黎較易甩,但味道唔錯,酸酸甜甜幾開胃,蟹棒口感都幾彈。

火炙和牛壽司,和牛口感煙韌,味道頗有牛香,朋友都中意食既一款~

帶子刺身,因為加左升級套餐所以都破例食少少(其實主要係佢想食)
帶子原粒大大隻,口感滑身又夠彈,食落去鮮甜又唔會膩,一定要嗌!

生蠔,肉質滑溜正常size,但比起之前會失色左少少,因為佢冇落到醬汁調味,令蠔既味道有少少腥。

蒜香牛柳粒,份量唔算好多,兩人份岩岩好,牛柳粒偏韌,但蒜香既調味做得唔錯,令人想一食再食。

烤香菇,外層烤至微乾再落少少燒汁,咬落去好juicy,香菇汁味道鮮甜,而且因為有落燒汁所以提升左香烤既味道,唔錯唔錯!

芒果布甸,當然要以甜品作結,味道香甜而且布甸整得又夠滑,中間有少少果肉令味道更香~

雖然食得唔算多野,但水準依然keep到,店員工作效率好高,收碟同送餐速度都好快,冇出現漏單情況,等一陣都係值得既,整體都滿意~食過今餐後又要番去跑幾個圈xd


================================

感謝chickenandpp提供以上資料

chickenandpp的網誌: http://www.openrice.com/zh/gourmet/reviews.htm?userid=51033932&city=hongkong


================================

~END~
商店 八幡屋日本料理