小時候極渴望到冰室吃餐，滾水蛋，唂咕，紅豆冰，炸雞脾，西多士樣樣也充滿了我的童年回憶！

現今的茶記掀起了一股懷舊風，市場上多了不少這類型的茶餐廳，而被活化的金記冰室便是其中一員了。

金記由西環老店，到灣仔分店，再發展到金記客棧在短短時間，又再喺銅鑼灣開設新分店喇。

這裡裝飾陳設依舊走懷舊風，連叮叮也出埋呢。

看見這熟悉的乒乓球拍餐牌，感覺份外親切。

{懷舊沙律}$22，百吃不厭的雜果沙律，汁醬恰好，又夠凍吃下勁爽呢！

{金記炸雞脾}$24成了今日全場焦點， 炸雞髀先滷後炸，味道已勝一籌，加上炸後的口感香脆，肉汁滿載，而家邊寫還邊流口水呢！

{日式豬扒炒公仔麵}$51凍飲加$3，尤記得金記嘅炒公仔麵非常出色，這天當然要重溫一番啦！公仔麵依舊炒得乾身好吃，而且份量亦都十分足秤，連埋加三蚊嘅凍飲都係54蚊，比起我留下四十幾蚊嘅垃圾好食得多了。

最後見到晚市套餐款式都好多，而且一條清蒸嘅斑仔餐講緊係唔需要100蚊，搵次真係要嚟探一探虛實先得←_←