|
泰菜之夜 @ 18巷泰國餐廳
|
|
sky_0721
2016-09-19
298
0
|
分享
收藏
| 較早前相約在銅鑼灣工作的友人食飯, 銅鑼灣食店林立, 今次我地去了位於世貿中心的18巷泰國餐廳食晚飯. 坐下後, 先點個飲品. 在眾多的特式飲品中, 我選了泰式特飲. 究竟當中包含了甚麼, 原來是由新鮮芒果肉, 橙汁, 菠蘿汁, 石榴汁糖水打成的沙冰. 味道好清新和鮮甜, 打出來的沙冰好細滑, 飲的時候唔會覺得太多冰, 無味道. 主菜點了乾咖喱榴槤燴牛展, 泰式燉花膠, 泰式牛尾煲. 泰式燉花膠. 用砂鍋上枱, 所以熱度能夠保持較長時間, 對於我來講, 這是好重要, 因為要夠熱先好飲. 當中材料也豐富, 有我愛食的花膠和冬菇等. 花膠整得夠腍身, 入口帶點膠, 這是我愛食的質感, 而冬菇幾厚身, 較為咬口. 而且味道調教適中. 客人鍾意的話, 可以食的時候加入芽菜, 多一份爽口. 主菜點了泰式牛尾煲. 我鍾意食牛, 所以點了這個牛尾. 泰式整法味道幾濃郁, 啱晒鍾意食濃味的我, 個汁用來配飯食一流. 而且肉質夠嫩滑, 又多汁, 完全不覺得硬和乾身. 最後是甜品時間. 我地點了三色布甸拼盤和貓山皇榴槤糯米飯. 三色布甸拼盤賣相精緻. 三款口味包括牛奶, 芒果和奶茶. 布甸質感好幼滑, 甜度也適中, 當中最特別和有驚喜是奶茶味道. 我也是首次食這個口味的布甸, 估不到咁夾咁好食. 貓山皇榴槤糯米飯. 愛食榴槤的我地, 怎樣也點一款菜式有榴槤. 貓山皇榴槤是我最鍾意食的品種, 榴槤味相當香濃. 而糯米又夠煙煙韌韌, 兩者配搭很不錯.
感謝sky_0721提供以上資料 sky_0721的網誌: http://www.openrice.com/zh/gourmet/reviews.htm?userid=504491&city=hongkong
|
~END~
| 商店 | 18巷泰國餐廳 |