抱歉,發生點錯誤。
重新載入
至潮朱古力月餅
mjqueen7e
2016-08-14
518
0
分享
收藏


雖然還有一個月才到中秋節,但各大品牌的月餅已經紛紛出籠,而我也已率先收到友人送贈的《龍島》出品中秋佳節禮盒。拿了禮物後,回家翻出來一看,嘩!個包裝盒好特別,以搖曳生姿的長衫為設計藍本,並用上粉紫色為主調,配上典雅的牡丹花圖案、加上頂頭的中式盤結鈕扣及盒邊的吊穗流蘇,驟眼看儼如一件中式喜慶旗袍,為視覺增添享受。







由於知道《龍島》每年的中秋期間,都會推出多款不同嘅朱古力月餅及曲奇禮盒,所以筆者亦特意走了去住處附近的分店看看。果然,今年的中秋禮盒,款式都唔少,除了有多款中秋禮物籃之外,還有 8 件裝嘅瑰麗月餅禮盒 ($468)、花好月滿朱古力月餅及曲奇禮盒 ($298) 和筆者今次獲贈的 14 粒裝花團錦簇朱古力月餅禮盒 ($428)。



































回家後拆開包裝,盒內有 14 粒朱古力,而且每粒造型都好得意,形態各異,不過由於款式眾多,當然不能一人獨佔,要與家人齊齊分享,所以只揀了幾款較有特色的試試。至於 14 款朱古力,口味就包括有正中央的二合一如意月餅、四兄弟榛子純朱古力、紅葉粟米軟心朱古力、芒果軟心朱古力、榛子奇脆牛奶朱古力、玉兔脆米朱古力、青蘋果軟心朱古力、原粒杏仁牛奶朱古力、石榴軟心朱古力、星形榛子蓉朱古力、牛奶軟心朱古力、乾果及果仁拖肥薄脆牛奶朱古力 2 件。





既然盒朱古力以中秋做主題,所以決定先品嘗刻有「龍」、「島」二字的二合一如意月餅。原來據說這兩粒造型十足十一個「如意結」嘅朱古力,有「祝福別人吉祥、萬事稱心如意」的意思,並寓意人月兩團圓,設計果然充滿心思!其實「」字一邊,內餡是熱情果綠茶軟心朱古力,而另一邊「」字,則內藏小紅莓南瓜子乳酪,前者濃郁的可可味中帶著陣陣酸香、而後者軟心朱古力,由於混合了紅莓粒,所以入口果香味濃郁,加上脆脆的南瓜子,雙重食感增添食趣。

至於玉兔脆米朱古力,兔仔造型非常活潑可愛,單看賣相已經夠曬過癮。原來咬開入面是脆卜卜的米通,配上面頭的白朱古力,初頭還以為一定會非常甜膩,但原來食落甜度剛好。



另外也試了這兩款以橙紅色楓葉亮相的紅葉粟米軟心朱古力和賣相靚絕的乾果及果仁拖肥薄脆牛奶朱古力。原來前者餡芯是黑朱古力,不過細嘗下會吃到啖啖粟米的清香;至於後者,塊朱古力看起來不但像一幅優美怡人的風景畫,而且色澤艷麗,造型滿有生氣。原來朱古力面頭除鋪滿呈天然顏色的脫水乾果外,還放了不少經過精心挑選的果仁及開心果碎等,所以食落特別香脆,叫人回味。這麼精緻的月餅禮盒,看來我也要買一盒用來送給親友呢!


================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong


================================

~END~
人均 $428.00
商店 龍島美食店 (太古站店)