|
廠廈偷閒
|
|
mjqueen7e
2016-08-20
499
0
|
分享
收藏
近年身邊的朋友都愛上去廠廈覓食，究其原因，除了因為空間大，可以約埋一眾好友齊齊 Hea 吓、傾吓偈之外，還有就是食物用料和份量十足。早兩天從臉書上得知，位於天后的人氣漢堡店《Texas Burger》最近在荔枝角一幢工廈內開咗間姊妹店，餐廳名字叫《The Americano》，據說店子除了主打 Burger 外，還有不少美式食物供應，而且全部都大大份，最適合同大班朋友開心 Share，所以這天就應友邀約來一探究竟。 原來餐廳是位於荔枝角億利工業中心 1 樓，即與專賣台灣美食的《程班長》同一樓層。推門內進，店內地方很大，尤其是和天后店相比，絕對可以用寬敞舒適來形容。放眼細看，裝潢以淺木色為主調，近門口左手邊是一列長長的梳化位，而右手邊則是開放式廚房，配上靠牆的一排高腳座椅和餐廳盡頭的三張四人卡座，設計既簡約又平實自然。而這天我們就被安排坐在餐廳的另一端，雖然位置並非靠窗，但自成一角，感覺亦蠻不錯。 安頓後先拿起餐牌看看，Lunch Special 款式不多，只得凱撒沙律、芝士漢堡、Carbonara 和意大利飯四款，反而另一個附上食物相片的餐牌，選擇較為豐富，項目包括有前菜及小食、沙律及湯、Brunch Menu、漢堡、意粉及飯、Chef’s Special、甜品、奶昔和飲品等。店員推介足料的The Americano Big Breakfast，而友人就鍾情德州漢堡，所以決定各取所需。 The Americano Big Breakfast 傳統美式豐富早餐 ($108) 分量十足，除了有大路的太陽蛋、大啡菇、脆皮腸和煙肉外，還有數顆已切半的車厘茄、蜜味茄汁豆、脆薯餅、香烤多士和沙律菜等。個人最愛就是大啡菇，貪佢菇味濃之餘仲夠曬 Juicy，齋睇相都已經覺得吸引，平時鍾意食菇嘅人真係唔可以錯過。另外香烤多士，水準亦不俗，入口鬆脆得來又帶牛油香，食味一流！ 至於另一客 Texas BBQ Burger 德州燒烤漢堡 ($108)，成品以木盤盛上，隨餐更附有一籃薯條和一件用來解膩的酸瓜。怕薯條放久了不好吃，所以立即拿起一條入口，薯條外形雖稍欠粗身，不過炸至金黃香口，吃起來好鬆脆，食味亦不俗。接著揭開漢堡面頭的麵包，細看餡料，由下至上分別放有生菜、漢堡扒、車打芝士、焗脆嘅煙肉和炸洋蔥圈。由於這款漢堡之前在《Texas Burger》已經吃過，所以對這招牌作嘅水準亦略知一二。味道果然沒令人失望，漢堡扒烤得焦香，肉汁在口腔內散發，配上半溶的車打芝士和惹味的秘製墨西哥青椒燒烤醬，實在令人回味。
感謝mjqueen7e提供以上資料 mjqueen7e的網誌: http://www.openrice.com/zh/gourmet/reviews.htm?userid=66478&city=hongkong
|
~END~
人均
$108.00
| 商店 | The Americano by Texas Burger |