抱歉,發生點錯誤。
重新載入
隱蔽街坊小廚
mjqueen7e
2016-05-21
421
0
分享
收藏


由於家住太古,所以筲箕灣是我和家人經常覓食的地區,不時光顧的食肆有東大街的《金東大小廚》、天悅廣場的《嘉豪酒家》和愛民街的《鋒記小炒王》,都是吃晚飯的好地方。早前友人推介我試試位於南康街的《煮打菜打冷小菜館》,據說這間飯店在筲箕灣紮根多年,主打街坊小菜,由於真材實料,價錢合理,所以口碑向來不俗,晚飯時段經常坐得滿滿。







由於是晚兒子有約,所以下班後,兩口子就決定來這裡吃頓晚飯。原來這間地方不大的《煮打菜》,位置頗隱蔽,由南康街右手邊路口直上,過咗麥當當再轉彎才到,難怪我這個經常過來搵食的區外客,都一直沒發現這間小菜館啦!









入座後先細閱菜牌,這裏菜式不少,而且豐儉由人,當中最吸引的,自然是必食蒸選的爆牙肉餅。據說這道菜式曾獲選為「2015 美食之最大賞-肉餅組銀獎」,相信食味一定有其過人之處。至於其他小菜項目,就包括有煮打古法生煏、合時煲仔、海鮮、佐酒絕配、即叫即蒸、潮式打冷、精選小炒、炒粉麵飯、炒時菜、足料靚湯等系列,另外還有兩張列出多款打冷小菜及廚師推介菜式可供選擇。



既然籠仔荷香蒸爆牙肉餅 ($88) 是店子的招牌菜,當然要一試,原來肉餅面頭有好多唔同的配料可以揀,包括有鹹蛋、土魷、鮮魷、銀魚、鹹魚及梅菜;老公是銀魚仔的粉絲,就一於選這款。肉餅以荷葉墊底,面頭撒滿炸至金黃的銀魚仔及芫荽,置於碟上,再用一個圓形的竹籠,並連著一把小鏟刀奉上。



肉餅果然有水準,食落勁多肉汁,既香濃又彈牙,而且細嚼下口感還帶點脆卜卜。多口一問,原來據說豬肉入面特別加入了豬耳及海蜇粒來蒸,難怪口感爽彈得來又有咬感,而且仲多咗幾分鮮味,加上一入口肉汁已經多到爆,肉質又唔死實,的確名不虛傳。至於老公就讚這道菜用荷葉墊底的做法,非常貼心,因為食落會無咁肥膩,加上銀魚嘅香味,用來配飯吃,一流!






椒鹽豬仔脾
($78),老公是典型食肉獸,見廚師推介有豬仔脾,說要點來一試。豬仔脾的位置,其實是豬後腿上的寸骨,肉質嫩滑。至於這晚的豬仔脾,一客 5 隻,可選椒鹽或照燒,端上來時見豬仔脾外形頗大隻,入口啖啖肉,而且一咬即開又唔黐骨,肉質很嫩,味道香口,水準的確唔錯。不過由於揀了椒鹽做法,所以吃起來辣度略高,如果不嗜辣的話,建議還是選照燒,同樣吸引。


蝦醬炒時菜
($60) 就選了通菜,碟水蕹端上桌時,見色澤翠綠,賣相吸引。一試,鑊氣稍嫌不太足,而且蝦醬味極其薄弱,一點也不明顯,幸好通菜炒得脆綠清爽,吃起來口感亦不俗。





最後來的是揚州炒飯 ($58),飯炒得頗乾身,而且粒粒分明,入口帶點蛋香。用料方面,和市面的一般食肆比較,大致相同,有叉燒粒、菜粒、蝦仁,唔算大堆頭,不過碟頭十足,以這個價錢,絕對抵食。看來以後飯堂又多了一個選擇之列!


================================

感謝mjqueen7e提供以上資料

mjqueen7e的網誌: http://www.openrice.com/zh/gourmet/reviews.htm?userid=66478&city=hongkong


================================

~END~
人均 $150.00
商店 煮打菜打冷小菜館