|
米線 癮 ...
|
|
oasiswong
2016-08-14
812
0
|
分享
收藏
試食活動 本港兩家大型飲食集團, 愈做愈出色, market segmentation 和 branding 玩到出神入化, C9都知的號碼 341, 近年兩隻自創品牌表現最好, 一隻是上海姥姥, 另一隻就是米線陣, 上星期股價大約廿六個半, 市值百五億左右, 但PE廿六倍...., 要再睇多陣.... (本人利益申報: 並無持有任何飲食有關的股票...)香港人..., 已記不起從何年開始, 出現了米線癮, 街上的米線食肆, 比便利店還多, 谷哥一下關於米線的來源..., 雲南當然是常識..., 但為甚麼是雲南? 老作兼吹水太多, 還未有時間一一查證..., 最似樣的講法, 好似係魏晉南北朝, 所謂的五胡亂華時期, 北方人走難, 逃到南方, 於是興起的麵條食品, 來一次北南crossover, 出現新產品, 既是飲食習慣, 又是思鄉病... 坐低, lon一lon餐牌, 當然係飲品..., 天時暑熱, 有幾款清涼選擇, 但據隔離幾個位的靚女講, 有更好的推介: 芒果鐵觀音! 芒果鐵觀音..., 個名已經夠騎呢..., 單購價為$18, 如配粉麵, 只需$13, 冷熱同價, 街外氣溫三十三、四度, 除非閣下係Iceman, 否則..., 要凍飲是常識吧..., 上檯時, 記緊先攪一攪, 因有果蓉沉底, 老實講, 加了芒果汁和果肉之後的茶味, 是否鐵觀音, 真的不太重要, 最緊要...當然係透心涼感覺, 確實好正! 還流緊汗的我, 一啖已經飲晒, 一杯真係唔多夠... 香菜濃湯餃子皇 ($28), 多付$8 加烏冬, 鳥冬在底, 鋪了一層生菜, 上面盛得餃子滿滿, 還有一大片綠油油的生菜. 餃子包得飽滿, 咬開餃子皮, 查探一下, 韭菜、豬肉, 還有一些條狀、半透明、微微爽口、類似芽菜的東西, 整體味道和口感, 皮煙韌無誤, 饀料軟中帶些少爽口, 味道中等不鹹, 屬於現今OL最愛的健康偏淡口感. 烏東屬於四方長狀扁身款式, 與一般的半圓狀貨式, 略有不同, 口感方面則相差無幾, 彈牙度剛好, 個人風格, 吃烏東有特殊僻好, 尤其不是辣味湯底, 我喜歡多灑一點蔥花, 當然最好是莞茜啦, 入口軟而彈牙又帶點清脆口感. 麻辣番茄肥牛魚腐米線 ($36), 集合近年兩大暢銷口味:番茄湯和麻辣湯於一身, 番茄味濃, 麻辣度輕, 是大眾口味, 遇到我這些重口味的麻煩友, 記得預先講聲: 要大辣!! 魚腐軟中有韌度, 鮮腐竹, 與樹記比較, 相差無幾啫, 也夠滑溜, 肥牛則不算太肥, 比例約二八之分. 喝完辣湯, 再來一杯清涼凍飲: 青瓜豆漿 ($13), 第一啖入口, 如果唔講我知係咩..., 我還以為係西瓜皮奶昔... so interesting喲..., 哈哈哈..... 無論如何, 非常有創意, 絕對是食辣的配搭! 川辣口水雞 $45, 四川香料, 花椒辣油, 麻香夠晒惹味, 但當然... 辣度也是大眾化口味, 對我而言... 是少辣, 但對小朋友來說, 則是中辣了, 雖然雞皮與肉中間未有形成一曾透明啫利, 但雞皮不厚, 入口微爽, 肉質軟滑, 送酒一流呀!... 酒呀..! 可惜無... 川味四合拼盤 $45, 這道菜比口水雞的辣度還要低一點, 材料四款: 黑醋豬軟骨、麻辣肥牛、麻辣豬大腸、白蘿蔔. 先食蘿蔔, 也算清甜, 可以再煮淋一些, 我最喜愛的豬軟骨, 中式黑醋, 即是鎮江醋, 加糖煮成, 甜重酸輕, 最適宜用來送粉麵飯, 軟骨煮得夠淋, 膠中帶煙韌, 試一件麻辣肥牛, woo...! 牛肉有牛肉味..., 好驚喜... 哈哈哈... 而麻辣豬大腸..., 從少到大都與我無緣.. sosad! 大汗豬扒擔擔米線 $39, 菜名前加了兩個字"大汗"...? 諗咗好耐..., 到底係咩嘢意思?? 到底係"蒙古大汗"既蒙古口味?? 還是... 形容食吃後, 會辣到出汗呢..?? 真係... 哈哈哈..哈... 擔擔米線, 與擔擔麵的味道無大分別, 都是麻醬味重, 加一點椒香麻辣, 講明係專做米線的店, 水準當然不容置疑, 撈些肉燥和炸菜一起入口, 雖然辣度都是大眾口味, 麻醬花生香, 仍算是濃烈的重口味. 就是這件大汗豬扒..., 碟中放了大量類似孜然粉和辣粉, 夾了一些入口, 味道鹹辣, 視乎閣下的口味, 可放多放少, 我愛中辣以上, 全碟的辣粉用盡, 豬扒剛炸起, 熱度十足, 皮脆肉質嫩. 白裡紅蒜泥白肉 $28, 菜名前加了個形容詞: 白裡紅..., 使唔使呀...? 紅就話啫, 唔紅米敝... 哈! 生蒜這家嘢..., 喜歡的人是天堂, 不喜歡? 肯定是地獄吧..., 個人口味, 生蒜愈多愈好, 最好還加一點辣椒油和甜的鎮江醋, 味道更正, 可以送碗飯了..., 肥瘦相間的薄切腩肉, 撈上大量蒜蓉, 最啱在天時暑熱的夏季享用, 特別香辣爽口兼開胃. 麻辣魚蛋串 $10, 不是街邊魚蛋檔的炸黃魚蛋, 白色魚蛋近年大興, 無他, 更接近魚蛋原色, 似未被改造, 更啱愛健康的香港人口味... (曲線不需說明... 哈哈), 單看賣相已夠吸引, 可惜我掛住吹水..., 曇花一現, 轉眼已成空... sosad.... 餐牌簡潔, 一張過, 前後兩版, 前頁粉麵, 後頁小食.
感謝oasiswong提供以上資料 oasiswong的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$60.00
| 商店 | 米線陣 (樂富店) |