|
兩次幫襯...
|
|
oasiswong
2016-05-19
370
0
|
分享
收藏
銅鑼灣 Chop House, 於美麗華開分店, 老友中午過來尖沙咀探班, 順道去打過轉, 未夠11點45分, 到達門口, 竟然...有已經有午餐供應... 從大門口向內望, 直看到窗外, 陽光照射入室內, 幽暗室內與窗外強光成強烈對比, 好有電影feel... 店外設有戶外大型用餐區, 面積還大過室內, 好似街景一樣, 可惜中午時份, 天氣變熱, 否則戶外午膳, 更有風味. 香港人寧舍麻煩, 成日想扮高級, 但去高檔餐廳時, 食幾百蚊一餐, 開枝 sparkling or still... 都嫌貴, 呢間餐廳真知香港人既消費心態, 每檯供應一枝大水, 自助, 自己攪掂. 友人自言自語: "Tap Water? .... 無煲過呀??..." 哈哈哈.... 天氣時冷時熱, 晨早太陽伯伯未出場時, 加上大風, 似十足秋天, 但當陽光直射街道時, 又迅間變成了炎夏, 只行數分數, 已經出汗, 坐好靚位後, 先來一杯消暑冰凍西瓜汁, 身體立即降溫... 降咗零點零零零零一度左右....., 才慢慢研究午餐餐牌..... 午餐價, 大約在九十至一百一十之間, 此區算是合理價格, 只設四款Main Course, 四字可概括: 素、豬、雞、魚. Starters有三款: 湯、沙律、熱菜. 午餐的餐飲一定有"咖啡或茶"??? 這未必是常識了, 因為近年很多西餐廳的午餐, 都不再免費供應飲品, 這種做法實在好"小家", 幸好這間照舊有齊三項:前、主、啡. 最後還可以加多三十元, 食埋甜品, 今天的甜點是Panna Cotta (意式奶凍). 友人的前菜: Bloody Mary Shrimp Salad. 由非常出名的 Bloody Mary(血腥瑪麗) shrimp cocktail 改建而成, 但賣相則...略欠"血腥"喎..... 哈哈...., 傳統"血腥瑪麗蝦杯"的醬汁, 有齊甜、酸、苦、辣, 真可稱為四味俱全, 今天這款沙律, 味道微甜、小酸、好微好微的辣味, 苦呢?? "苦"味不是出自醬汁, 而是來自其中一款沙律菜: Arugula (通常稱為火箭菜), 都算是四味俱齊吧.... Crispy Egg Ratatouille, 靈感應該來自賣座卡通片"五星級大鼠"(Ratotouille), 某鄰國好似譯作"料理鼠王"..., 主角老鼠, 做法國家鄉菜, 名為: 普羅旺斯燉菜. 影片中那位嚴苛的食評人, 初次試到這道Ratatouille, 表現出異常的感動和驚訝, 由原來冷冷無笑容的面顏, 瞬時變得熱情可愛, 令其回憶起童年時的母親所烹調的食物... 有無咁神奇??? 你自己嚟試吓囉!! .... 哈哈哈哈.... "普羅旺斯燉菜"這個名字真好, 改得優雅, 台灣把它譯成"法國雜菜煲", 真是大煞風景... , 傳統的Ratotouille, 通常會把瓜菜煮成一團爛糊, 視覺上不開胃之餘, 吃起來更是爛綿綿口感, 此店師傅略為改良, 番茄、洋蔥、矮瓜、翠玉瓜、甜椒等蔬菜, 煮得剛好軟身而不爛, 還加了一隻半流質的煎溫泉蛋, 蛋汁滲入瓜菜中, 更添風味. 友人選了主菜 Blackened Red Snapper, 直譯...應該是: 黑煎紅鯛吧...? Blackening 這種 cooking technique, 於80年代才由 New Orleans 的廚師 Paul Prudhamme 發明出來, 專用來煎魚, 網上介紹的煮法: 大火燒熱黑鐵鑊, 燒至超熱的灰白狀態, 再將New Orleans 獨有的 Cajun spice 香料 醃過的魚柳放入鑊中, 兩面煎十幾秒便成. 看圖比較, 與網上介紹差好遠喎, 這店的魚柳, 煎得美觀多了... 不信?? 上網自己看看, 完裝正版的 Blackened fish, 真是焦黑得有些過份, 香港人咁鬼腌尖, 肯定投訴囉.... 唔信?? 自己上網睇啦.... 伴碟除了有瓜菜外, 驟眼遠望, 以為是千層寬條麵的 Lasagna, 原來是用薯仔做的芝士薯布 (一層一層的薄薯片, 中間是奶油), 味道與口感都好新穎. 煎過的紅鯛, 皮酥肉嫩, 入口未算香辣, 但香料與奶油香味濃郁. Glazed Pork Ribs 烤醬燒肋骨, 樣樣食物都有專家, 豬肋骨...當然都有, 據聞... 豬肋骨 都有幾個不同口味的重要部位: baby back ribs、St. Louis style ribs、rib tips 和 spare ribs, 其實還有幾個...., 但頸部附近的五、六條比較短小, 不會用來做主菜. 一般餐廳所用的醬燒肋骨, 多數是baby back ribs 或 spare ribs, baby back ribs 屬脊柱旁的肋骨, 肉多較嫩, 脂肪少. spare ribs 近腹部, 肉少, 油脂多, 燒起來較甘香. 到底是 Baby back ribs ?? 還是 Spare ribs?? 根據肥瘦比例頗均勻來看, 應該是 Baby back ribs... 嘞 ... 應該係... 一定係... 除非唔係... 哈哈哈... 肋骨燒得夠焦脆, 用刀切開, 拿着前骨位, 輕易的咬得骨肉分離, 果真是肉嫩脂肪少喲, 外層醬汁的味道濃郁, 酸甜適中, 送飯一流喎...! 可惜無.... 餐飲咖啡, 是澳洲有名的 Vittoria Coffee (到過澳洲的博物館, 會發現全都是用Vittoria coffee的品牌), 香港高檔西餐廳, 多數用義國兩大品牌: Lavazza 或 Illy, 但絕對不要看輕澳洲, 澳洲咖啡市場的精品化程度, 比歐洲更甚, 澳洲人對咖啡的要求非常高, 消費者市場的品味細分情況, 即所謂的 market differentiation 程度, 可能係世界上最多, 一般水準的咖啡品牌, 已不能滿足他們的需要, 所以大如Starbucks的連鎖店, 也敵不過本土的咖啡業, 最終要退出市場... 個人習慣, 先不加奶, 嘗第一口, 黑咖啡最能試出水準, 味道沒有義大利貨的濃, 但香味十足, 酸度接近零, 最合我口味, 飲了三、四口, 再加奶, 這隻小奶杯, 與中式酒樓的茶壺有得揮, 唔可以斟得太慢, 否則, 一路斟, 就一路係邊位流落嚟.... 哈哈... 加完奶後, 其實與一般咖啡分別不大. 神奇至極, 約了另外友人, 晚上又嚟多次, 此乃傾偈聚會的好地方, 晚上氣溫下降, 露天座位也坐了不少人... 工作完一整天, 來一杯生啤: Asahi, 好夠冰凍, 味道... ??? 哦.... 嘎.... 是asahi的味道.... 哈哈哈...
感謝oasiswong提供以上資料 oasiswong的網誌: http://www.openrice.com/zh/gourmet/reviews.htm?userid=85184&city=hongkong
|
~END~
人均
$110.00
| 商店 | The Chop House (尖沙咀店) |