|
水準平均的放題
|
|
Jackiess
2016-08-26
419
0
|
分享
收藏
| 男朋友話想食放題，所以我就係公司附近揀左一間正評率都幾高嘅放題，一入到去，我完全俾個甜品bar 吸引住，所以幾乎二話不說先去了甜品bar掃左先， 一見到MOVENPICK 都已經心都溶埋~ 因為太鍾意movenpick 嗰種入口軟滑滑嘅口感，加上奶味亦相較其他牌子重。 天婦羅係熱氣騰騰咁上，所以話呢度熱嘅野都係有適當嘅溫度係好啱，雖然食日本野，但都唔係樣樣都凍冰冰架嘛，天婦羅脆漿炸得唔錯，唔會太厚又做得啱啱好，而且啲蝦食落啲肉無散開。 話說我真係好有勇氣試左呢個可以媲美明將地獄嘅創作壽司系列，老實講其實我見到有啲都無叫，古古怪怪咁，例如黃色嗰件桂花啫喱香芒大蝦壽司，中間嗰層係啫喱再配合埋下面件蝦，其實嗰種感覺都幾九唔搭八..... 另外巨峰啫喱草莓玉子壽司都係奇怪，雖然舊玉子係甜，但咁食法真係第一次，感覺啫喱嘅煙韌再玉子嘅爽甜，真係..... 呢客廣島蠔窩，份量適中，嚟到見到有幾粒蠔，下面其實係勁多菜墊底，不過啲蠔唔生，而且又蠔嘅size 都唔會變左係蠔屎咁~整個窩味道不算太濃烈，食菜可飽肚之作。 鹽燒牛舌係值得推介，唔韌又夠香，如果唔係叫放題要食埋其他野驚個胃無位，真係會叫多兩碟 這客清酒煮蜆真係幾好食，啲蜆算係幾大粒同埋清甜，而且味道清淡，清酒味道又未被加熱而揮發，放題店嚟講處理得不錯。 呢度嘅刺身嘅size就唔能夠同其他放題勁旅相比，但刺身新鮮已經算係咁，我都無乜期望，不過幾意料之外，起碼啲蝦唔會整到溶溶爛爛，仲食到一個光滑嘅蝦身。 海膽手卷就有啲似急凍海膽，而且對海膽完全無舖滿係面，賣相差左啲，但係放題點好少食到海膽，而且食到都可能係腥，今次即使係急凍海膽都無失手，算係幾好。 呢一客御品榴槤炸彈，用嘅係真榴槤蓉，唔係香精做出嚟嘅，雖然無照相咁吸引，但係中間仍然食到少許流心的榴槤蓉，加上榴槤類食品係放題真係好少食到，而且外皮都唔算太厚。 呢客玉子燒其實係呢個檔口拎出嚟嘅，拎出嚟嘅時候一條長長熱熱嘅野，好似卷蛋咁切開一片片俾啲客 呢個蛋卷好似日式燉蛋拎左去燒咁，味道清清甜甜，可以一試。 可能我對放題嘅質素會抱住唔係食好野嘅心態，今次食落又覺得幾ok ~ 起碼無漏單同埋俾啲野都幾足，加上食物溫度ok，款式都多，旺角放題不錯之選。
感謝Jackiess提供以上資料 Jackiess的網誌: http://www.openrice.com/zh/gourmet/reviews.htm?userid=151264&city=hongkong
|
~END~
人均
$250.80
| 商店 | 御滿屋日本料理 |