燒物有驚喜！ SeeWide

想食日本野之際，
見到螢壽司既傳單！
睇落幾吸引又未食過！

大約8點上到去，座位都幾多，
幸運地被安排坐入房

先黎既係生蠔，
有手掌咁大隻！

燒豚肉露筍，薄薄既豚肉夠嫩滑，
肉質鬆化，而露筍好爽口，
仲可以中和豚肉既油，食落無膩感！
燒牛舌，時間控制得好，
肉質唔韌，好香既黑椒味，
只係稍為鹹左D！

特上壽司拼盤！包括有吞拿魚、三文魚腩、油甘魚、魷魚、赤貝、三文魚籽、牡丹蝦、海膽、蔥拖羅腩蓉！
種類多幾豐富！另外，牡丹蝦頭可以加十蚊叫加落湯煲，之後再飲！

雞皮花竹蝦，好有心思既小食！
廚師脫走蝦殼，再用薄薄既雞皮包住，
客人可以好方便，唔洗整污糟對手，
蝦肉彈牙，雞皮好香脆！

鰻魚飯用木盒裝住，
上檯後員工為我地打開蓋
鰻魚幾厚肉又無骨，
再配上燒汁，
而飯都好香軟！

================================

感謝ooonly4food提供以上資料