山系美食*野玩山店 Something Wild
|
![]() |
暴食小公主
2016-07-15
790
0
|
分享
收藏
而家愈黎愈多香港人鍾意互外活動 好似行山呀,野餐呀,露營呀都多左人玩 不過而家天時暑熱,去互外真係太辛苦 不如轉個陣地,去間好有山系感覺既餐廳 即使個人留係室內,都仍然有出左去玩既感覺 講緊既就係呢間係灣仔既Something Wild ‘野玩山店’ 佢地將係郊外既感覺帶入室內 無論係餐廳既裝修,佈置都好貼合主題架 Menu整到成張地圖甘 仲有戶外用既水杯同埋野餐必備既紅白格餐巾 真係每個位都好有心思 先黎食個麵包先 黑色果個似唔係係戶外好難控制火侯 所以唔小心燒燶左甘,哈哈 不過唔駛擔心,其實佢係十分之軟熟同好食架 估計只係用左d黑麥粉黎整先甘黑ja 牛油果魷魚沙律 Flame-Grilled Calamari Salad $88 魷魚唔韌但無咩鮮甜味 牛油果都比得幾多 最驚喜係入面落左d橙 即刻令個沙律特別同清新左好多 香辣茄蓉點點醬配薄餅 Hot Dip $78 茄醬味道唔會太酸同埋帶少少辣味 而且入面因為有D茄子,芝士 所以食起上黎唔會好似糊仔甘完全無口感 配埋D脆卜卜既薄餅就更加好食 烤日本豬仔骨 Grilled Japanese Pork Ribs $208 首先一讚既係d薯條 薯條炸得好香脆又乾身,唔多油,正 (點埋hot dip個茄醬食仲正) 豬仔骨既腌料好惹味,又夠入味 餐廳亦都烤得好好,一咬d肉就離骨 唯一既缺點應該係太細份,所以唔係好夠食 黑松露野菌意大利飯 Wild Mushroom Risotto $108 意大利飯既質感唔會太軟身淋’巴巴’ 食落仲有少少咬口,唔錯 而且黑松露既份量好適中 有黑松露既香味,但又唔會蓋過哂其他味道 鮮果班戟 Fresh Fruit Crepes $58 最後當然要食番個甜品先算係完滿結束 雖然Crepe唔係d咩好複雜既甜品 但係要整得好食都唔易 呢到既班戟皮好薄,而且唔乾 加埋D新鮮生果,簡簡單單已經夠好 Vitality $40 呢到有唔少Juice/ smoothies 選擇 而我就揀左呢個vatality 入面有香蕉、燕麥、乳酪同埋蜜糖 不過香蕉同燕麥味都比較淡 如果可以重味番少少會更好飲 最後最後,如果你係山系既朋友 呢到仲有得賣戶外用品 食完就可以順手睇下有冇野岩用 其實黎呢到之前真係無咩期望 總係覺得呢d主題餐廳都係sell gimmick多 估唔到最後全部食物都好滿意 而且佢menu真係好豐富,連甜品都有成十款 未約到朋友同你去行山 不如約住佢地黎呢到開餐先啦
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$150.00
商店 | 野玩山店 |