|
二訪飲茶*飲茶 Yum Cha
|
|
暴食小公主
2016-06-01
497
0
|
分享
收藏
| 早排約左大學既好朋友食飯 幾個女仔諗黎諗去都唔知食咩 之後朋友仔話其實一直都好想試「飲茶」 雖然我已經試過，但為左朋友再去當然唔係問題啦 前菜 – 雞絲粉皮 ($109 – 3款前菜) 雞絲係嫩既，唔會鞋口 粉皮厚薄適中，食落有少少煙韌 不過最出色既係個麻醬 食落唔會太杰，但又夠味，意外地整得不錯 前菜 – 豬手豬腳 ($109 – 3款前菜) 其實即係沙姜豬腳 豬腳切到細細粒，食得好方便 豬腳唔肥皮又爽，好食 前菜 – 寶石蘭度 ($109 – 3款前菜) 上次黎就食過炒左既羽衣甘蘭，今次就試下生既 先講賣相，一粒粒既紅石榴真係有D似寶石 加埋D卷曲既羽衣甘蘭片 紅紅綠綠咁，真係好吸引 味道方面，雖然紅石榴酸酸甜甜好開胃 不過生既羽衣甘蘭食落太硬，好似適合拎黎炒多D 吉川奶子 $49 我諗9成食客都係為呢幾個包而黎 吉川係新出品，入面係綠茶味道既餡 因為我唔鍾意苦澀味，所以一路都麻麻地綠茶既食物 但呢到個綠茶包味道比較偏甜 但都帶有淡淡既綠茶香，估唔到又幾岩我胃口 麥皮塘蝦 $119 本來以為係用麥皮包住蝦身拎去炸 但原來係用麥皮黎代替避風塘果D炸蒜 麥皮炒過之後脆脆地，口感好特別 另外隻蝦夠大隻，而且炸得好乾，好脆 加埋個辣辣地既調味，好惹味 干煸四季(鹹蛋) $99 除左鹹蛋，仲可以揀肉碎 其實鹹蛋即係黃金蝦既道理 四季豆炸過之後外脆內軟 加埋薄薄既鹹蛋粉漿，雖然好唔健康 但你都會想一條接一條咁食 蘋果花撻 $49 蘋果既甜品從來都唔係我杯菜 但我係出奇地鍾意呢個蘋果甜品 店家將蘋果皮削到好薄 雖然焗過，但食落去既時候 仍然可以食到蘋果既質感，同埋本來蘋果既甜味 (唔係煮過果隻蘋果味) 就算加埋落個牛油撻皮到都唔覺得膩 比起上次黎叫果個甜品真係好食得多 其實當晚仲有叫其他野食 不過因為上次已經介紹過 所以今次就唔再多講喇 (有興趣請睇番相關舊文) 說實話，我覺得今次食既菜式係比上次好 除左個樣吸引之外，味道都令人有驚喜 會令人想下次番黎再食 希望我既分享可以幫到黎緊會去食既朋友啦
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$150.00
| 商店 | 飲茶 (尖沙咀店) |