|
渡假風情*ZAKS
|
|
暴食小公主
2016-08-17
457
0
|
分享
收藏
| 話說好姐妹月頭生日 我地當然要同佢好好慶祝啦 所以我地就去左愉景灣到行下再加食飯 事前做左一D Research 覺得無論食物呀，環境呀，zaks都係我地心水 所以事前就已經用email book好左位喇 Zaks有室內同室外既位置 室外set左幾個大帳篷，加埋d花花裝飾同海風 幾有去左渡假既感覺 除左正常menu 仲有呢個summer special menu 食物價錢已經包埋一支cider，其實又真係幾抵 Caesar Salad with Chicken $162 一餐入面有點可以無菜呢?所以叫左個Salad食下 Salad都幾大份，3個人share都完全夠食 上面件燒雞燒得好香，一上菜就已經閒到d香味 而且雞肉熟得岩岩好，即使係雞胸都唔鞋 咬落去仲好juicy tim 加埋d新鮮既蔬菜一齊食，又健康又好味 Wild Mushroom Linguine $142 朋友好鍾意食Creamy既白汁 所以呢個意粉佢食得勁滿足 而且意粉煮得唔錯，軟硬適中 但個人認為蘑菇既香味唔太重 所以食落個汁味道比較單調 份量方面同Salad一樣勁大份 如果你細食，去到真係唔好叫甘多野食 Crackle & Pop Pulled Pork Pizza $145 另外叫左Summer special menu入面既pizza Pizza要左薄底，個底係自家製 食落都幾脆，唔會好實，唔錯 Pizza唔似平時食開係用茄汁 而係用左類似bbq醬做個底 加埋d燒過既豬肉同芝士，都幾惹味 Banana Split $79 訂枱既時候已經Order左甜品 除左寫左生日message之外，碟上面仲有d朱古力花 可能因為我地影相耐得濟 食既時候d雪糕都已經溶左一大半 所以味道呢，就話唔到比大家知喇 不過有d奇怪既係，支生日蠟燭係無托既 即係d溶左既蠟會直接滴落d野食到 唔知係唔記得左加個托定點呢 Iced Peach Tea $48 除左跟餐既Cider之外 仲叫左杯iced peach tea 不過味道勁淡，好似飲緊杯加左水既iced tea甘 唔建議大家叫 好喇，講完食物就講下服務 其實當晚呢，個場真係好旺 要搵個侍應都真係唔容易 不過我都明白人手唔夠都無辦法 但另一方面，忙，都唔應該成為態度差既借口 話說我email book位果時已經講左要order甜品 亦都同佢地講左要寫d咩message係上面 而餐廳既confirm email都話收到，到時會prepare 當我地食完哂d主菜，我就扮去洗手間 之後搵個侍應叫佢上甜品 個侍應一黎就話:唔知wor，張單冇寫你有pre-order到 甘其實果一刻我都覺得唔緊要啦 可能我入座果時又無再remind佢地，唔記得都人之常情 但問題係個侍應d態度係十分惡劣 其實我pre order左，你地無幫我跟，都已經係餐廳既問題 但侍應唔單止連一句唔好意思都無 仲要好似好唔耐煩甘講:甘你而家要咩丫 雖然到最後都解決左，但佢既態度真係令人好扣分 一間餐廳食物當然重要，但服務都一樣唔可以忽略 因為懷住一個壞既心情，真係食龍肉都會無味 希望有關方面如果睇到都可以認真改善下
感謝暴食小公主提供以上資料 暴食小公主的網誌: http://www.openrice.com/zh/gourmet/reviews.htm?userid=58662494&city=hongkong
|
~END~
人均
$250.00
| 商店 | Zaks |